Valamuli 8:25 - Bhiblia Yo Sawuleka

²⁵ Vona va to xamula va txi kha vona: “Hi na kuninga hi di tsakile.” Se va to ateta nguwo, aha mmweyo ni mmweyo a nga veka kona phera yakwe, ayile a nga handa.

Valamuli 8:25 Referans Kwoze

Genesisi 35:4

Sekoko vona va to ningela ka Jakobe sotshe sithombe sa sizimu sa vamatiko, asi va nga ti naso, ni singeda ati va nga ti nato tinzeveni kwakwe, se Jakobe a to si kelela hahatshi ka mkusu wu wu nga ti hafuhi ni didhoropa da Sikemi.

Valamuli 8:24

Se Gidhiyoni a to engeta a txi khene: “Ni tumeleleni ni txi mi mahela txikombelo txokari. Ni kombela a ti to mmwani ni mmwani e niha phera ya nzalama, ya tile mi nga handa.” Vamidhiyani va ti ti ambala tiphera ta nzalama, nguko i ti ti va ka Israyeli.

Valamuli 8:26

Se kunemela ka tiphera ta nzalama, ati ene a nga kombela, ku ti ti hoka ka magumi mambidi a makilu a nzalama, ku si balwi ni masinda, tiketani ni syambalo sa masilika, asile vafumeli va Vamidhiyani va nga ti ambate, na ku si balwi kambe ni tiketani ta tithamoni ka makamelu awe.