Valamuli 8:10 - Bhiblia Yo Sawuleka

¹⁰ Se Zebha ni Salmuna va ti ti manekela Karikori, kumweko ni mabutho awe a yimbi aku dingana vavamna va 15.000, ava va nga ti sate ka otshe mabutho a wutxani; mtengo wa masotxhwa awa ma nga fa i ti 120.000 wa vale va nga txi tiziva kundiwita matxhari.

Valamuli 8:10 Referans Kwoze

Valamuli 7:12

Vamidhiyani ni Vaamaleki ni votshe vanana va wutxani, va ti ti mbambamete mkovani, na i di vavangi nga humbi, ni mtengo wo mbi balwa wa makamelu awe, ma txi nga mtxhefa wa likasani ka linene.

2 Vafumeli 3:26

Se mbimo yile mfumeli wa Vamowabhi a nga wona to khene kulwa ka mtsindaveta, a to teka 700 wa vavamna ni matxhari awe, kasi ve kureta mfumeli wa Edhomi, aniko kha va humelela.

Valamuli 20:46

Se votshe va ka Bhenjamini avale va nga dawa ka ditshiku dile, i ti ti 25.000 wa vavamna, avale va nga txi ziva kundiwita ditxhari, votshe i ti ti vavamna va tindena.

Valamuli 20:35

Sekoko Mkoma a to khozisa va ka Bhenjamini masoni ka va ka Israyeli, se vanana va ka Israyeli va to daya 25.100 wa vavamna va ka Bhenjamini, votshe vale va nga txi ndiwita ditxhari.

Valamuli 20:25

Ni vona va ka Bhenjamini, va to huma va txi va hingeta hahanze ka Gibheya, va txi wisa hahatshi 18.000 wa vavamna, votshe vale va nga txi ndiwita ditxhari.

Valamuli 20:17

Se hahanze ka va Bhenjamini, ku to balwa 400.000 wa vavamna va ka Israyeli, avale va nga txi ndiwita ditxhari, aniko votshe i ti ti vavamna va yimbi.

Valamuli 20:15

Se ka ditshiku dile, ku to balwa 26.000 wa vanana va ka Bhenjamini, va kuta ngu madhoropani, avale va sikotako kundiwita ditxhari, ku si balwi ni vaaki va Gibheya, va 700 wa vavamna, va nga sawulwa.

Valamuli 20:2

Se vathu va kuta ngu ka otshe madhawa, va totshe tihunzu ta va ka Israyeli, va to maneka msengeletanoni ka vathu va Txizimu, na i di 400.000 wa vavamna, vale va tsimbilako ngu mikondo, na va di xomile matxhari.

Isaya 37:36

Sekoko Ngelozi ya Mkoma yi to huma yi ya lovisa 185.000 wa vathu, wugoveloni ka Vasiriya. Se mbimo yi va nga wuka ni mixo ngutu, va to wona sirumbi dwe.

Isaya 9:4

Nguko awe u funyile dikange dile di nga ti nemela txitimwi kwakwe, ni limhika lile li nga ti va peka makatani kwakwe, ndonga ya mxanisi wawe, kufana ni disthiku da Vamidhiyani.

2 Makronika 28:8

Se vanana va ka Israyeli va to ñola 200.000 wa va ka Judha, vavasikati, majaha ni mahorana, va to teka simaha sasingi ve si wuyisa Samariya.

2 Makronika 28:6

Peka mwana Remaliya, a to daya 120.000 wa vavamna va ka Judha ngu ditshiku dimwedo, hambi ku votshe i nga ti tindena, ngu ku va lekile Mkoma Txizimu txa vatate vawe.

2 Makronika 13:17

Ngu mamahelo awa Abhiya ni vathu vakwe va to onhetela ngutu hagari ka va ka Israyeli, nguko va date 500.000 wa vavamna ava va nga ti ti va sawute.

Valamuli 7:22

Ngako avale va 300 va nga ti veta mipundu, Mkoma a to maha a tito, wugoveloni kotshe ka Vamidhiyani mmwani ni mmwani va txi bhayana ngu matxhari ni mkwawe. Votshe vathu va yimbi va to thava kala Bheti-Sita, hafuhi ni Zerera, kala m'hinganoni ka Abhele-Mawola, masoni ka Tabhati.

Valamuli 6:5

Nguko va ti ti kwelela ni mitxhambi yawe ni matenda awe; i ti ti vavangi ngutu nga direfu da humbi, votala aha ka kuva ti si koteki ku va bala, vona, hambi makamelu awe; se va to wulela, kasi kuonhetela ditiko.

Valamuli 8:11

Se Gidhiyoni a to kwela ngu nzila ya vale va zumbako matendani, ngu didhawa da wutxani ka Nobha ni Jagobheya, a txi ya dayela vathu vale va nga ti pimisile ti to kuthuthile.

Valamuli 7:13

A di hokile koko Gidhiyoni, mmweyo wawe a ti ti xawutela, mloro wakwe ka mngana wakwe, a txi kha ene: Mloro wu ni nga lora ngu wuwa: “Ni woni dipawu da sevhadha, di txi rindilikela hagari ka wugovelo wa Vamidhiyani, adile di nga ya gumula ditenda di txi di wisa dotshe hahatshi.”