Valamuli 8:1 - Bhiblia Yo Sawuleka

¹ Sekoko vathu va ka Efrayime va to womba ka Gidhiyoni va txi kha vona: “I mhaka muni u nga mbi hi ramba mbimo yi u nga huma u txi yalwa ni Vamidhiyani kani?” Va to kanetisana nayo ngu mtamo ngutu.

Valamuli 8:1 Referans Kwoze

2 Samuwele 19:41

Wona taku votshe vavamna va ka Israyeli va to ta ka mfumeli, va txi ta kha vona: Ngu kutxani vanathu, vathu va ka Judha va nga ta kuteka ni nyumba yako ve kutxhatukisa Jordhani, kumweko ni votshe vathu va Dhavhidha kani?

Ekleziyaste 4:4

Kambe ni to wona ti to wotshe mthumo, ni kotshe ku ti ningela kuthumani, si tisa kubavelwa ka m'thu, ngu mwakelani wakwe. Eto ni tona mbukanganyisi, ni kuxaniseka ka moya.

Jobe 5:2

Nguko txiviti txa fuvisa txiphukuphuku; se wuphuphulu wa yisa kufani.

Valamuli 8:2

Ene a to va xamula a txi khene: “Njitxani txa hombe ni nga maha ani, txo pala ti anu mi nga maha, kani? Ina kani sizangwa sa sidotho mi nga hapha anu va ka Efrayime, hi nga sa lisima kupinda mauvha otshe hi nga elula athu va ka Abhiyezeri, kani?

Mavingu 15:1

Kuxamula ko ti veka hahatshi ka releta kuhenya, kambe mapswi o nemela ma wusa kuhenya.

Hoseya 13:1

Mbimo yile Efrayime a txi womba-womba, ku ti ti dhudhumelwa; a guletilwe kona Israyeli; kambe ene a ti ningile m'nandu ngu Bhahali se a txi fa.

2 Samuwele 19:42

Sekoko votshe vathu va ka Judha va to xamula ka vathu va ka Israyeli, va txi kha vona: Nguko mfumeli dixaka dathu; se mi henyela txani ngu eto kani? Ina hi to dya mtamo wa mfumeli, mwendo kuningwa txokari ngu ngene kani?