Valamuli 7:4 - Bhiblia Yo Sawuleka

⁴ Se Mkoma a to engeta e gela Gidhiyoni a txi khene: Vathu vava i ngadi vangi ngutu. Relela navo u txi ya matini, koneyo ni na ya duka kasi ku u txi sawula a va u no tsula navo: Awule ni no womba ni txi khani “Awuwa a na tsule ni nawe,” eyo u na tsula nayo. A awule ni no khani: Awuwa kha na mbi tsula ni nawe, eyo khu na mbi tsula nayo.

Valamuli 7:4 Referans Kwoze

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

1 Samuwele 16:7

Aniko Mkoma a to khene ka Samuwele: U nga wone kutshura kwakwe, hambi txiemo txakwe, nguko ani khani mlavi; nguko Mkoma kha wonisi ti a wonisako tona m'thu. M'thu a wona si si ku masoni kwakwe, aniko Mkoma a wona mbilu.

Jobe 23:10

Kambe Txizimu txa ziva nzila yangu; txi na ni dukete, ni na huma kufana ni nzalama.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Masalmo 66:10

Txizimu, u hi dukile; u hi basisile ku nga ti ti mahwako ka silivhela!

Masalmo 7:9

Fuvisa wubihi wa vabihi tsanisa avale i ku vavanene, awe u wonisisako timbilu ni mialakanyo, awe u ku Txizimu txa kululama.

Genesisi 22:1

Se msana keto timhaka, ku to maheka ti to Txizimu txi xola Abrahamu, txi m'gela tiya: “Abrahamu!” Ene a to orovela, a txi khene: “Niho hawa!”

Valamuli 7:5

Se ti di nga eto, Gidhiyoni a to relela ni vathu vava a txi ya hawa ku ku ni mati, se Mkoma a to gela Gidhiyoni a txi kha ene: “Votshe vale va no kapitela mati, nga tile yi mahako yimbwa, evo u na va veka didhawa. Aniko votshe vale va no khizama kasiku ve mana kusela mati, evo u na va veka ka dimwani didhawa.”