Valamuli 7:3 - Bhiblia Yo Sawuleka

³ Konkuwa tsula u txi ya gela vathu ku khawe: Awu a ku ni dizowa i ku dipwembwe, a na khukhe mmangoni ka Gileyadhi e tshumelela msana. Konako ku to khukha 22.000 wa vavamna, ve tshumela, kusala 10.000 dwe.

Valamuli 7:3 Referans Kwoze

Dhewuteronome 20:8

Se va na simama vathangeli va mazana ve womba ka vathu, va txi kha vona: “I mani a ku ni dizowa, awu a nga wika msana kani? A na khukhe a txi tsula m'tini kwakwe, kasi wupwembwe wakwe wu si tshapeli ka vanawe.”

Mtuletelo 17:14

Va na lwa ni Txinvutana, aniko Txinvutana txi na va xula, nguko txona i Mkoma wa vakoma ni Mfumeli wa vafumeli, se kumweko natxo kambe va na xula, avale va nga dhanwa, avale va nga sawulwa, ni makholwa.”

Mtuletelo 21:8

Kambe ka va va dizowa, vo mbi kholwa, vo dhunda manyala, va dayi va vathu, magelegele, va matiloti ni votshe va lumbeti, vakhozeli va si i ku si nga Txizimu, ni ka votshe va makuhu, txyavelo txawe ngu kuvinzwa txizivani ka mndilo wo tura ngu txivavula, i ku lona lifo la wumbidi.”

Matewu 20:16

Se ngu toneto, ava i ku vo gwitisa va na va i di vo khata, ani va i ku vo khata va na va i di vo gwitisa.”

Matewu 13:21

kambe ene apune kha na mikoloti, kha tsana: Ngako ku txi ta kupandiseka mwendo kuxaniseka ngu mhaka ya dipswi, wa kuluveta e rereka.

Valamuli 6:35

Se Gidhiyoni a to rumela mitumi ka votshe va ka Manasi, yi va dhana va txi ta tshangana kwakwe, kasi kuve mlondeta. A to rumela kambe mitumi ka tinyumba ta ka Aseri, ni ta ka Zebhuloni, ni ta ka Naftali, kasi ku votshe ni vona va txi ta ti patanisa kwakwe.