Valamuli 7:21 - Bhiblia Yo Sawuleka

²¹ Se mmwani ni mmwani a to maneka ha wukhaloni kwakwe, va txi randela wugovelo. Ngu tona eto votshe va yimbi ya Vamidhiyani va to dhuka, va txi tutuma ve thava, va txi pekeletela tihuwa.

Valamuli 7:21 Referans Kwoze

Mavingu 28:1

Vaonhi va thava na va sa tutumiswa ngu m'thu; aniko ni wihi wo lulama, a thembekile kufana ni txingonyamwana.

Isaya 30:15

Nguko Mkoma Txizimu, Msawuleki wa Israyeli, a khene: Ngu kuhunduluka ni kuthutha, ku ndi na maneka kuhanyiswa kwanu; kuzumbisekani ni mu ka kuthemba, ku ndi na maneka mtamo wanu, aniko kha ma ti lava.

Isaya 30:7

Nguko Egipta a na va vhuna walo, se va si hoki ka magwito a txilo, ngu toneto, ni dite ngu mhaka yiya: Kumalalani kwawe, ku nava ni mtamo wawe.

2 Makronika 20:17

Ka yimbi yiya anu kha mi na mbilwa, tsulani mi txi ya ema mi wonetela a ti Mkoma a no maha, kasi ku mi hulukisa, anu va ka Judha, ni va Jerusalema; mi nga thaveni, kambe mi nga dhukisweni; mangwana va hingeteni, nguko Mkoma a na va ni nanu.

Eksodha 14:25

Ene a to hujumelisa mawili a sikotxikani sawe, a txi maha ti to si tsimbila ngu kukarateka. Sekoko Vaegipta va to kha vona: “A hi tutumeni masoni ka Mkoma, nguko ene a lwa ngu ku va emela a txi wukela athu Vaegipta.”

Vahebheru 11:34

va timile midhikila ya mndilo, va hulukile kudawa ngu matxhari, amu ka dikhodho va mani mtamo, va hindukile ve maha tindena yimbini, va tovete mitxawa ya tiyimbi ta valala.

Valamuli 7:20

Ngu kumaha keto, vathu va mitxawa yile ya yiraru, va to veta mipundu ni vona, va txi faya tidhuwa; manzani ka txibhabha va ti ti ñote misanje yi nga txi tura, ani ka dianza da txinene va ti ti ni mipundu va txi veta, ni kuhuwelela, va txi kha vona: “Ditxhari da Mkoma, ni da Gidhiyoni.”

1 Vafumeli 20:20

Se mmweyo ni mmweyo a to daya wule a nga ti ti lwa nayo; se Vasiriya va to tutuma, na va txi tutumiswa ngu Vaisrayeli; hambi keto, Bheni-Hadhadhe a to hulukiswa ngu dihantxhi, kumweko ni vamwani vagadhi va mahantxhi.

2 Makronika 20:15

Se Jahaziyeli a to khene: Engisani anu motshenu va ka Judha, ni nanu vahanyi va Jerusalema, ni nawe mfumeli Josafati. Mkoma a khene kwanu: Mi nga thaveni, mi nga dhudhumeleni ngu mhaka yaku wona vathu vava vavangi, ngu ku hi nga anu mi ñolwa yimbi yiya, yi na lwiwa ngu Txizimu.