Valamuli 7:20 - Bhiblia Yo Sawuleka

²⁰ Ngu kumaha keto, vathu va mitxawa yile ya yiraru, va to veta mipundu ni vona, va txi faya tidhuwa; manzani ka txibhabha va ti ti ñote misanje yi nga txi tura, ani ka dianza da txinene va ti ti ni mipundu va txi veta, ni kuhuwelela, va txi kha vona: “Ditxhari da Mkoma, ni da Gidhiyoni.”

Valamuli 7:20 Referans Kwoze

Isaya 27:13

Se ku na maheka ka ditshiku dile, taku ku na vetwa mpundu wa hombe, se vale va nga ti mwalate ditikoni ka Asiriya, ni vale va nga tsuliswa ditikoni ka Egipta, va na tshumela ve wuya, ve ta khozela Mkoma, mmangoni ko sawuleka, kona Jerusalema.

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

1 Vakorinto 15:52

Ngu txikhatianyana txo fana ni kuphanima ka diso, ngu kuvetwa ka mpundu wo gwitisa, nguko kha ditshuri wu na vetwa mpundu, vafi va na wuka va si swi va di ni kusina, athu hi na hinduluswa.

Joxuwa 6:20

Vathu koko va to kwangula, na vaphaxeli va txi veta titshodi; se ku to maheka taku, mbimo yile vathu va nga pfa kutuma ka titshodi, va to kwangula ngu kukwangula ka hombe; se diguma di to wa hahatshi, vathu ve wulela didhoropani, mmwani ni mmwani ngu ha a nga ti rendekete kona, va to teka didhoropa.

Joxuwa 6:16

Se ku to maheka taku, mbimo yile vaphaxeli va nga txi veta titshodi, ka txikhati txa wutxhanu ni simbidi, Joxuwa a to khene ka vathu: “Kwangulani! Nguko Mkoma a mi ningile didhoropa!”

Joxuwa 6:4

Se mtxhanu wa vaphaxeli ni vambidi va na teka mtxhanu wa titshodi ni timbidi, ta titxheho ta tihamba, va txi thangela masoni ka dibhokiso, se ka ditshiku da wutxhanu ni mambidi, mi na tenderuka didhoropa mtxhanu wa sikhati ni simbidi; se vaphaxeli va na veta titshodi.

Vahebheru 11:4

Ngu likholo, Abhele a mahile mhamba ka Txizimu, ayi yi amukelekako kupinda ya Kayini. Ngu mhaka ya yona mhamba yiya, ene a fakazetwe ngu Txizimu ku mbwo lulama, se ngu toneto a amukete mningelo wakwe. Ngu konaho ka lona likholo hambiko a nga fa, ene wa womba-womba.

1 Vatesalonika 4:16

nguko ene Mkoma ngu wutumbu wakwe, ngu kudhana ka ngelozi ya hombe, ngu kuvetwa ka mpundu wa Txizimu, a na txhika ngu nzumani, se avale va nga fela ka Kristu, va na thanga vona ve wuka.

2 Pedro 1:15

Hambi keto, ni na ti karata kasiku hambi ni txi fa, mi na sala mi txi ti alakanya totshe tiya.

Valamuli 7:19

Gidhiyoni a to hoka hale ka libhiyo la wugovelo, kumweko ni vathu vakwe va dizana. I ti ti mbimo ya kupilela dhina ya wusiku, na vawoneleli va di ngadi ku txitxana. Sekoko va to veta mipundu, va txi faya tidhuwa tile va nga ti ti nato manzani.

Valamuli 7:21

Se mmwani ni mmwani a to maneka ha wukhaloni kwakwe, va txi randela wugovelo. Ngu tona eto votshe va yimbi ya Vamidhiyani va to dhuka, va txi tutuma ve thava, va txi pekeletela tihuwa.

1 Samuwele 11:11

Se ku to maheka tito, magwanani ka kona, Sawule a to abanisa vathu ngu mitxawa yiraru, aniko veya wulela wugoveloni ni mabimbi-kutxa, kambe va to xasela va ka Amoni kala ni mitshikari. Se avale va nga sala va to hangalaka mmweyo no mmweyo eya ka wukhalo wakwe.

Jeremiya 47:6

Awe ditxhari da Mkoma! U na humula yihi mbimo kani? Tshumela u txi nga humula msavani kwako, u txi malala.