Valamuli 7:2 - Bhiblia Yo Sawuleka

² Se Mkoma a to womba ka Gidhiyoni a txi khene: “Vathu vava u ku navo mbangi gutu, kasiku ani ni txi ningela Vamidhiyani manzani kwawe.” Nguko va ka Israyeli va nga ti guleta va txi kha vona: “Ngathu hipune hi nga ti hulukisa ngu manza athu.”

Valamuli 7:2 Referans Kwoze

Dhewuteronome 8:17

ngu toneto, u nga wombe mbiluni kwako u txi khawe: “Mtamo wangu ni mtamo wa manza angu, ngu wona wu nga ni manisa thomba yiya.”

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Varoma 11:18

u nga ti kukumukisa txitimwi ka mamwani madhavi; ziva ti to hi nga awe u rwalako mkoloti, aniko mkoloti ngu wona wu ku rwalako awe.

Vaefesu 2:9

Hi nga so huma mtamoni kwanu, kufela ku ni wammweyo asi ti kulisi.

Zakariya 12:7

Se kukhata, Mkoma a na hulukisa matenda a ka Judha, ku mahela tito, wudhundo wa nyumba ya Dhavhidha ni wudhundo wa vaaki va Jerusalema, wu si guletwi kupinda wa ka Judha.

Zakariya 4:6

Se a to xamula a txi khene kwangu: Adiya dipswi da Mkoma ka Zorobhabheli, do khene: Hi nga ngu mtamo, hambi ngu yimbi, aniko ngu moya wangu, kuwomba Mkoma wa Mabutho a Tiyimbi.

Ezekhiyele 28:17

Mbilu yako yi gulekile ngu mhaka ya kutshura kwako, u onhile wutxhari wako ngu mhaka ya kuphatima kwako, ni ku tshotshile ha mafuni, ni kuvekile masoni ka vafumeli, kasi kuva txi kuwonetela.

1 Samuwele 14:6

Jonatani koko, a to khene ka mfana wule a nga ti mrwalela matxhari: Ngono, hi tsimbile ka vawoneleli va va makhuna; kutilava Mkoma a na hi lwela, nguko ka Mkoma kha txi ngaho txi a tandekako ku txi hulukisa, hambi i di vavangi mwendo vavadotho.

Dhewuteronome 32:27

Aniko ni thavile kurukwa ngu valala vawe, nguko va na ti kulisa, va txi kha vona: “Manza athu ngu ona ma nga humelela, hi nga Mkoma a nga maha toshe tiya!”

Varoma 3:27

Se ku ti dhumisa kwathu ku ka tihi kani? Kufuvisilwe! Ngu mlayo muni kani? Ngu mlayo wa mithumo kani? Ahim-him. Kambe kufuvisilwe ngu mlayo wa kukholwa.

Habhakuki 1:16

Ngu toneto, wa phaxa likokani kwakwe, ni kuhisa dibaselo mabambe ka likoka; nguko ngu sona si nonisako txyavelo txakwe, se ni sakudya sakwe si maha sasingi.

Dhaniyeli 4:30

mfumeli a to wotisa, a txi khene: Ina hi nga ene Bhabhilona wa hombe wu ni nga muaka kasi kumaha nyumba ya wukoma, ngu mtamo wa mfumo wangu, ni wudhumo wa wuhombe wangu kani?

Ezekhiyele 28:2

Awe mwanana wa m'thu, gela mthangeli wa Tiro ku khawe: Mkoma Txizimu a khene: Nguko mbilu yako yi ti guletile u txi khawe: Ani ni Txizimu, ni khalahatshile ha txituluni ka Txizimu, hagari ka tinene (na u di m'thu, khu nga Txizimu), kambe u themba mbilu yako ku nga yova mbilu ya Txizimu;

Jeremiya 9:23

Mkoma a khene: Txhari nga yi si ti dhundi ngu wutxhari wa yona, ni ndena nga yi si ti dhundi ngu wundena wa yona, hambi wu a ku naso, nga asi ti dhudhi ngu kumana kwakwe.

Isaya 10:13

Nguko a khene: Ni mahile eto ngu mtamo wa dianza dangu, ni wutxhari wangu, nguko ni txharihile; Ani ni thavisile mihingano ya vathu, ni handa tithomba tawe, kufana ni ndena, ni wisile vale va nga ti situluni ka wukoma.

2 Makronika 14:11

Asa a to dila ka Mkoma, Txizimu txakwe, a txi khene: Mkoma, kha ngaho awu a kotako kuvhuna vathu va vo pwata mtamo, hi vhune Mkoma Txizimu txathu, nguko hi thembile awe, hi xomile yimbi ngu ditina dako ku yalwa ni vathu vava, Mkoma Txizimu txathu, kha ku na m'thu awu a kuxulako.

Isaya 2:17

Kutikulisa ka m'thu ku na vekwa hahatshi, ni kutikukumukisa ka wamwamna, ku na wiswa hahatshi; Mkoma ngene dwe a no guletwa ka ditshiku donedo.

Jakobe 4:6

Txona Txizimu txa hi ninga tikateko ta tingi ngutu, madingano ni dipswi da mibhalo, adi di wombako tito: “Txizimu txi lambela ava va ti kulisako, aniko txi ninga tikateko ta txona ava va kutiveka hahatshi.”

Isaya 2:11

Maso a vathu vo ti kulisa ma na pfhupeliswa, ni kutikulisa ka vavamna ku na vekwa hahatshi, Mkoma ngene dwe a no dhumiswa ka ditshiku donado.

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Genesisi 46:2

Se Txizimu, amu ka txiwoniso txa wusiku, txi to m'dhana, txi txi kha txona: “Jakobe! Jakobe!” Ene a to orovela, a txi khene: “Ni ho!”

Mitengo 31:4

Lihunzu ni lihunzu ka toshe tihunzu ta ka Israyeli, li na rumela 1.000 yimbini.