Valamuli 7:19 - Bhiblia Yo Sawuleka

¹⁹ Gidhiyoni a to hoka hale ka libhiyo la wugovelo, kumweko ni vathu vakwe va dizana. I ti ti mbimo ya kupilela dhina ya wusiku, na vawoneleli va di ngadi ku txitxana. Sekoko va to veta mipundu, va txi faya tidhuwa tile va nga ti ti nato manzani.

Valamuli 7:19 Referans Kwoze

Mtuletelo 16:15

Wonani, nata kufana ni dikhokhokho: A katekile awule a wonelelako e veketa tinguwo takwe kasiku asi tsimbili tximbwiri e wonwa tingana takwe.

1 Vatesalonika 5:2

Nguko anu ma tiziva ta tinene taku ditshiku da Mkoma di na tisa ku nga dikhamba ahawa ka wusiku.

Matewu 25:6

Se ngu hagari ka wusiku, ku to pfala dipswi, va txi kha vona: ‘Ndiyo wata mteki! Mu hingeteni!’

Masalmo 2:9

U na va bhandisa ngu ndonga ya simbi, u txi va fayetela kufana ni khadi ya mraka.”

Valamuli 7:16

Sekoko Gidhiyoni a to abanisa vathu vakwe va 300 ngu mitxawa yiraru. Ka votshe a abanisete manzani kwawe, mipundu ni tidhuwa ta maphanga, ni misanje yo tura, ka tona.

Eksodha 14:24

Ngu mbimo ya mixo, Mkoma a to wona ngu mu ka phande ya mndilo ni ya direfu ngu didhawa da wugovelo wa Vaegipta, se e va vinganyisa.

Valamuli 7:18

Ngako mi txi ni engisa na ni txi veta mpundu wu ni ku nawo manzani, na nanu mi na veta mipundu yanu ka makhalo otshe a wugovelo wotshe, na mi txi kwangula mi txi khanu: Matxhari a Mkoma, ni a Gidhiyoni!”

Valamuli 7:20

Ngu kumaha keto, vathu va mitxawa yile ya yiraru, va to veta mipundu ni vona, va txi faya tidhuwa; manzani ka txibhabha va ti ti ñote misanje yi nga txi tura, ani ka dianza da txinene va ti ti ni mipundu va txi veta, ni kuhuwelela, va txi kha vona: “Ditxhari da Mkoma, ni da Gidhiyoni.”

Masalmo 90:4

Kha ditshuri, digumi da mazana a malembe, kwako ma fana ni ditshiku da nyam'nova, di nga pinda; mwendo txikhatyana txa wusiku.