Valamuli 7:17 - Bhiblia Yo Sawuleka

¹⁷ Se a to va gela a txi khene: Ni woneteleni, mi maha ti ni no maha. “Mbimo yi ni no hoka wugoveloni, ati mi no ni wona ani na ni txi maha, mahani nanu tona eto.

Valamuli 7:17 Referans Kwoze

1 Vakorinto 11:1

Mahani vaeteteli vangu, kufana ni nani ni ku mueteteli wa Kristu.

1 Pedro 5:3

mi si ti mahi ku nga vafumeli txitimwi ka vale mi nga vekelwa, aniko ti maheni vakombisi va nzila ya yinene ka mtxhambi wanu.

Vahebheru 13:7

Alakanyani vathangeli vanu, ava va nga mi txhumayela dipswi da Txizimu. Wonisisani ati wutomi wawe wu nga gwitisa tona, mi txi londetela likholo lawe.

Matewu 16:24

Sekoko konaho, Jesu a to gela vagondiswa vakwe a txi khene: “Ngako m'thu a txi lava ku ni londisa, a na ti leke, e pakata txihambano txakwe, a txi ni londisa.

Valamuli 9:48

Abhimeleki a to kwela koko mmangoni ka Salimoni, ene ni votshe vathu vale a nga ti ti navo; se Abhimeleki a to teka matxhapu ngu manza akwe, a txi ganga didhavi da mndonga, e di gula, a txi di veka hadikata kwakwe, se a to womba ka vathu vale a nga ti ti navo, a txi khene: “Ati mi nga ni wona ni txi maha, kuluvetani mi txi maha toneto nanu.”

Valamuli 7:16

Sekoko Gidhiyoni a to abanisa vathu vakwe va 300 ngu mitxawa yiraru. Ka votshe a abanisete manzani kwawe, mipundu ni tidhuwa ta maphanga, ni misanje yo tura, ka tona.

Valamuli 7:18

Ngako mi txi ni engisa na ni txi veta mpundu wu ni ku nawo manzani, na nanu mi na veta mipundu yanu ka makhalo otshe a wugovelo wotshe, na mi txi kwangula mi txi khanu: Matxhari a Mkoma, ni a Gidhiyoni!”