Valamuli 7:16 - Bhiblia Yo Sawuleka

¹⁶ Sekoko Gidhiyoni a to abanisa vathu vakwe va 300 ngu mitxawa yiraru. Ka votshe a abanisete manzani kwawe, mipundu ni tidhuwa ta maphanga, ni misanje yo tura, ka tona.

Valamuli 7:16 Referans Kwoze

2 Vakorinto 4:7

Aniko, thomba yi hi ku nayo, yi vekilwe mu ka siya sa dibumba, kasiku ti txi zivaneka ti to mtamo wuwa wa hombe wuta ngu ka Txizimu, kha wu ti ngu kwathu.

Genesisi 14:15

Se ene a to abanisa vathu vakwe ngu mitxawa, va txi dayela valala vawe ni wusiku, ve va khozisa, ni kuva hinga kala Hobha, wuphemba ka Dhamasku.

Valamuli 7:15

Se a di gwitile kuengisa kuxawutelwa ka mloro ni txhamuselo ya kona, Gidhiyoni a to khizama e khozela, se e tshumelela wugoveloni ka va ka Israyeli, a txi ya kha ene: “Khukhani! Nguko Mkoma a ningete manzani kwanu yotshe yimbi ya Vamidhiyani.”

Valamuli 7:17

Se a to va gela a txi khene: Ni woneteleni, mi maha ti ni no maha. “Mbimo yi ni no hoka wugoveloni, ati mi no ni wona ani na ni txi maha, mahani nanu tona eto.

1 Samuwele 11:11

Se ku to maheka tito, magwanani ka kona, Sawule a to abanisa vathu ngu mitxawa yiraru, aniko veya wulela wugoveloni ni mabimbi-kutxa, kambe va to xasela va ka Amoni kala ni mitshikari. Se avale va nga sala va to hangalaka mmweyo no mmweyo eya ka wukhalo wakwe.

2 Samuwele 18:2

Se Dhavhidha a to ruma vathu, mtxawa wumwewo ka yiraru wu ti thangelwa ngu Jowabhi, se wumwani mtxawa wu ti thangelwa ngu Abhixayi, mwana Zeruiya mwanawe wa Jowabhi, ni wumwani kambe wu ti thangelwa ngu Itayi, mugeti; kambe mfumeli a to khene ka vathu: Nani ni na huma kumweko ni nanu.