Valamuli 7:15 - Bhiblia Yo Sawuleka

¹⁵ Se a di gwitile kuengisa kuxawutelwa ka mloro ni txhamuselo ya kona, Gidhiyoni a to khizama e khozela, se e tshumelela wugoveloni ka va ka Israyeli, a txi ya kha ene: “Khukhani! Nguko Mkoma a ningete manzani kwanu yotshe yimbi ya Vamidhiyani.”

Valamuli 7:15 Referans Kwoze

Valamuli 4:14

Sekoko Dhebhora a to khene ka Bharake: Ti lulamisele nguko nyamsi ngu dona ditshiku di Mkoma a no ningela Sisera manzani kwako. Ina Mkoma hi nga ene a thangelako masoni kwako kani? Konaho Bharake a to relela ngu mangoni ka Tabhori ni 10.000 wa vavamna.

Genesisi 41:11

sekoko hi to lora miloro, ka wusiku wumwewo, ani ni nene, madingano ni tona ti mmweyo ni mmweyo a nga txhamusela mloro wakwe.

Genesisi 40:8

Se vona va mxamute va txi kha vona: “Hi to lora miloro, aniko kha nga ho awu a sikotako ku hi txhamusela.” Josefa a to va wotisa a txi khene: “Ina kutxhamusela kha ku lumbi Txizimu kani? Ni xawuteleni ti mi nga lora!”

Genesisi 24:48

Se ni to khizama ni txi khozela Mkoma, Txizimu txa nyamne wangu Abrahamu, awu a nga ni komba nzila yo lulama, kasi ku ta teka mwanana wa dihorana wa Nahori, mwanawe nyamne wangu, kufela ku e maha msikati wa mwanana wakwe.

Valamuli 7:11

U na ya engisa a ti va wombawombako; konako manza ako ma na tsaniswa, se na nawe u na relela wugoveloni kwawe.” Se Gidhiyoni a to tsula ni Pura, dijaha dakwe, kala hafuhi ka wugovelo wawe.

Valamuli 7:14

Mngana wakwe a to xamula a txi kha ene: “Eto kha ti wombi yimwani mhaka, hahanze ka ditxhari da Gidhiyoni mwana Jowasi, Muisrayeli. Ngu ti to Txizimu txi ningete manzani kwakwe Vamidhiyani ni dotshe dibutho di ku wugoveloni.”

Valamuli 7:16

Sekoko Gidhiyoni a to abanisa vathu vakwe va 300 ngu mitxawa yiraru. Ka votshe a abanisete manzani kwawe, mipundu ni tidhuwa ta maphanga, ni misanje yo tura, ka tona.

Valamuli 8:7

Sekoko Gidhiyoni a to va gela a txi khene: Ina, ngu tona! Ngako Mkoma a di ningete manzani kwangu Zebha ni Salmuna, ni nata vharulela mimidi yanu ngu mipa ni txi kayi txa txiwulani.

Valamuli 3:28

Se a to va gela tiya: “Ni londeteni, nguko Mkoma a ningete valala vanu Vamowabhi, manzani kwanu”; va to relela va txi mlondeta, se ve tsiva mabelo a kukhukhela Jordhani kuya Mowabhi, va si tumeli ni wammweyo a txi txhatuka ngu kona.

1 Samuwele 1:28

Ngu kumaha keto, ani kambe ni mningete ka Mkoma, ka otshe masiku a kuhanya kwakwe; nguko a kombetwe ka Mkoma. Se ene a to khozela Mkoma koneho.

1 Samuwele 14:12

Se vavamna vale vawoneleli va to xamula ka Jonatani ni ka mrwali wa matxhari akwe, va txi kha vona: Kwelelani mi ta kwathu! Aniko athu hi nata mi gondisa. Se Jonatani a to khene ka mrwali wa matxhari akwe: Kwelela u ni londeta ngu msana, nguko Mkoma a va ningete manzani ka Israyeli.