Valamuli 7:14 - Bhiblia Yo Sawuleka

¹⁴ Mngana wakwe a to xamula a txi kha ene: “Eto kha ti wombi yimwani mhaka, hahanze ka ditxhari da Gidhiyoni mwana Jowasi, Muisrayeli. Ngu ti to Txizimu txi ningete manzani kwakwe Vamidhiyani ni dotshe dibutho di ku wugoveloni.”

Valamuli 7:14 Referans Kwoze

Joxuwa 2:9

Se a txi ya khene ka vavamna vale: “Na tiziva ti to Mkoma a mi ningile ditiko diya, ni ti to kuthisa kwanu ku txitimwi kwathu, niku votshe vaaki va ditiko va gumile mtamo masoni kwanu.

Jobe 1:10

Ina awe khwa mranganyeta ngu tithomba, ni nyumba yakwe, ni sotshe sile a ku naso kani? U katekisile mithumo ya manza akwe, wufuyi wakwe wa anda ha mafuni.

Joxuwa 5:1

Se ku to maheka taku, va di ti engisile votshe vafumeli va Vaamori, avale va nga ti akile mtxhatuko ka Jordhani, ngu mswa-ditambo, ni votshe vafumeli va Vakanana, avale va nga ti hafuhi ni linene lile Mkoma a nga ti omisile mati a Jordhani, masoni ka vanana va ka Israyeli, kala kuza hi pinda, timbilu tawe ti to txutxeka, ve wika misana ngu mhaka ya vanana va ka Israyeli.

Joxuwa 2:24

Se va to kha vona ka Joxuwa: “Kha ditshuri Mkoma a ningete dotshe ditiko diya manzani kwathu, nguko hambi votshe vaaki va kona va gumile mtamo masoni kwathu.”

Mitengo 23:20

Wona taku, ni amukete txirumo txo katekisa; Txizimu txi katekisile, se ani kha ni na mbi hundulusa.

Mitengo 23:5

Sekoko Mkoma a to gela Bhalahamu a ti a fanelo kuya womba, a txi khene: Konkuwa tshumela u txiya ka Bhalake, u ya m'gela ti ni tiya.

Mitengo 22:38

Sekoko Bhalahamu a to khene ka Bhalake: Ni wone ti to ni tile hafuhi kwako; kambe na mbi sikota kuwomba kuranda kwangu. Dipswi di Txizimu txi no ni ninga kuangula ngu txisofu txangu, ngu donedo ni no di womba.

Valamuli 7:13

A di hokile koko Gidhiyoni, mmweyo wawe a ti ti xawutela, mloro wakwe ka mngana wakwe, a txi kha ene: Mloro wu ni nga lora ngu wuwa: “Ni woni dipawu da sevhadha, di txi rindilikela hagari ka wugovelo wa Vamidhiyani, adile di nga ya gumula ditenda di txi di wisa dotshe hahatshi.”

Valamuli 7:15

Se a di gwitile kuengisa kuxawutelwa ka mloro ni txhamuselo ya kona, Gidhiyoni a to khizama e khozela, se e tshumelela wugoveloni ka va ka Israyeli, a txi ya kha ene: “Khukhani! Nguko Mkoma a ningete manzani kwanu yotshe yimbi ya Vamidhiyani.”

Valamuli 3:28

Se a to va gela tiya: “Ni londeteni, nguko Mkoma a ningete valala vanu Vamowabhi, manzani kwanu”; va to relela va txi mlondeta, se ve tsiva mabelo a kukhukhela Jordhani kuya Mowabhi, va si tumeli ni wammweyo a txi txhatuka ngu kona.

1 Samuwele 14:12

Se vavamna vale vawoneleli va to xamula ka Jonatani ni ka mrwali wa matxhari akwe, va txi kha vona: Kwelelani mi ta kwathu! Aniko athu hi nata mi gondisa. Se Jonatani a to khene ka mrwali wa matxhari akwe: Kwelela u ni londeta ngu msana, nguko Mkoma a va ningete manzani ka Israyeli.