Valamuli 7:12 - Bhiblia Yo Sawuleka

¹² Vamidhiyani ni Vaamaleki ni votshe vanana va wutxani, va ti ti mbambamete mkovani, na i di vavangi nga humbi, ni mtengo wo mbi balwa wa makamelu awe, ma txi nga mtxhefa wa likasani ka linene.

Valamuli 7:12 Referans Kwoze

Valamuli 8:10

Se Zebha ni Salmuna va ti ti manekela Karikori, kumweko ni mabutho awe a yimbi aku dingana vavamna va 15.000, ava va nga ti sate ka otshe mabutho a wutxani; mtengo wa masotxhwa awa ma nga fa i ti 120.000 wa vale va nga txi tiziva kundiwita matxhari.

Valamuli 6:5

Nguko va ti ti kwelela ni mitxhambi yawe ni matenda awe; i ti ti vavangi ngutu nga direfu da humbi, votala aha ka kuva ti si koteki ku va bala, vona, hambi makamelu awe; se va to wulela, kasi kuonhetela ditiko.

Valamuli 6:3

Nguko ku ti ti maheka taku, mbimo yi va ka Israyeli va nga ti ti phaya, Vamidhiyani, Vaamaleki ni vathu va wutxani, va ti ti ta va txi ta va lwisa.

Joxuwa 11:4

Votshe vava, va to huma ni otshe masotxhwa awe, vathu votala ngutu, nga mtxhefa wu ku likasani ka linene, ni mahantxhi ni sikotxikani so tala ngutu.

Masalmo 33:16

Mfumeli kha hulukiswi ngu mtalo wa mabutho, hambi wamwamna wa ndena kha xuli ngu mtamo wakwe wa hombe.

Masalmo 3:1

Mkoma, eto va nga talisa tona valala vangu! Va tate avale va ni wukelako.

1 Vafumeli 4:30

Wutxhari wa Solomoni i ti wa hombe kupinda wutxhari wa votshe vathu va Wutxani, ni kupinda wotshe wutxhari Vaegipta.

Valamuli 6:33

Se votshe Vamidhiyani, Vaamaleki, ni vanana va wutxani, va to sengeletana ka wukhalo wumwewo, ve txhatuka Jordhani, va txi ta gova libalani ka Jezrayeli.

Valamuli 7:13

A di hokile koko Gidhiyoni, mmweyo wawe a ti ti xawutela, mloro wakwe ka mngana wakwe, a txi kha ene: Mloro wu ni nga lora ngu wuwa: “Ni woni dipawu da sevhadha, di txi rindilikela hagari ka wugovelo wa Vamidhiyani, adile di nga ya gumula ditenda di txi di wisa dotshe hahatshi.”

1 Samuwele 30:17

Se Dhavhidha a to va xasela, kukhukhela ni mixo kala ni minova ya mangwananani ka kona, kha ka huluka ni wammweyo, hahanze ka 400 wa majaha dwe ale ma nga gadha makamelu, me tutuma.

Jeremiya 46:23

Va sakatile txitinga, kuwomba Mkoma, atxi txi nga ti si wulelwi ngu m'thu; va engetekelani ku nga humbi, kha va balwi.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

1 Vafumeli 20:27

Se a to xola vanana va ka Israyeli ni vona, e va mana va di longile, va to tsula kuya hingelela masoni ka Vasiriya, hambiko Vaisrayeli i nga ti mitxawa yimbidi yayidotho, yo fana ni tiphongo, na Vasiriya va di tatile dotshe ditiko.