Valamuli 7:1 - Bhiblia Yo Sawuleka

¹ Sekoko, Jerubhabheli (i ku Gidhiyoni), a to wuka ni mabimbi-kutxa, e tsula a txi ya gova ni vathu votshe vale a nga ti ti navo, hafuhi ni txisima txa Harodhi; se wugovelo wa Vamidhiyani wu ti ti maneka wuphemba, ka libala li li ku hahatshi ka mmango wa More.

Valamuli 7:1 Referans Kwoze

Valamuli 6:32

Kukhukhela ka konako Gidhiyoni a to dhanwa ku i Jerubhahali, ngu kule Jowasi a nga khene: “Bhahali a na tivhikele ene apune, a txi lwa ni wule a nga khundumusela txiluvelo txakwe.”

Ekleziyaste 9:10

Ni txihi txi dianza dako di txi kotako kumaha, txi mahe madingano ni mtamo wako, nguko dithithani, amu awe uyako kona, kha ku na mthumo, hambi makungo, hambi wuzivi, hambi wutxhari ni wawumwewo.

Genesisi 12:6

Abramu a to tshawunyeta ditiko kala a txi ya hoka ka mkusu wa More, wu nga ti ka wukhalo wa Sikemi; sekoko Vakanana va ti akile ka dona ditiko diya.

Joxuwa 6:12

Msana keto, Joxuwa a to wuka ni mabimbi-kutxa, se vaphaxeli va to rwala dibhokiso da Mkona.

Joxuwa 3:1

Joxuwa koko, a to khukha ngu Sitime ni mabimbi-kutxa, e tsula kala Jordhani, ene ni votshe vanana va ka Israyeli, aha va nga ya humula kona, va si se kutxhatuka.

Dhewuteronome 11:30

Ina mimango yiya kha yi maneki mtxhatuko ka Jordhani, ngu msana ka nzila ya mswa-ditambo, ditikoni ka Vakanana, avale va nga aka kona Arabhe, masoni ka Giligali, hafuhi ni mikusu ya More kani?

Genesisi 22:3

Sekoko Abrahamu a to wuka ni mabimbi-kutxa, e longela mbongola yakwe, e teka sithumi simbidi kumweko ni mwanana wakwe Isaake, a txi funya ni tikhuni ta kuya hisa ngu tona mhamba; a to tsula ka wukhalo wu Txizimu txi nga mkomba wona.

Valamuli 6:40

Txizimu txi mahile tona eto ka wona wusikuwo; didhowo dokha, ngu dona di nga maneka di di omile, na kuve ha mafuni kotshe, ku manekile ku txi nakana ngu mwando.

Valamuli 8:29

Se Jerubhahali, mwana Jowasi, a to khukha e tsula, a txi ya zumba m'tini kwakwe;

1 Samuwele 12:11

Se Mkoma a to rumela Jerubhahali ni Bhedhani, ni Jefite, ni Samuwele e mi txhatxhisa manzani ka valala vanu vale va nga mi randela, se mi zumba mi di tsani.

2 Samuwele 23:25

Sama, Muharodhi; Elika, Muharodhi;

Masalmo 83:9

Awe Txizimu, va mahe nga ti u nga mahisa tona vathu va Midhiyani ni Vasisera, mwendo ku nga ti u nga mahisa tona ka Jobhini mlongani ka Kixoni.

Valamuli 6:33

Se votshe Vamidhiyani, Vaamaleki, ni vanana va wutxani, va to sengeletana ka wukhalo wumwewo, ve txhatuka Jordhani, va txi ta gova libalani ka Jezrayeli.

1 Samuwele 29:1

Se Vafilista va to sengeleta otshe mabutho awe a yimbi kona Afeki, kambe Vaisrayeli va to ya gova hafuhi ni txisima txi txi ku Jezireyeli.