Valamuli 6:4 - Bhiblia Yo Sawuleka

⁴ Va ti ti bwaka ve gova hafuhi navo, va txi handa timbewu tawe ta mu tithembweni ka mihinganoni ni Gaza, va si siyi ni txo ve hanya ngu txona va ka Israyeli, hambi tinvuta, hambi tihomu, mwendo timbongola.

Valamuli 6:4 Referans Kwoze

Levhi 26:16

sekoko nani ni na mi maha tiya: Ni na mi tisela kuthava txitimwi kwanu, dikhodho ni txindeyandeya, asile si no mi heta maso ni kuxupha mimoya yanu; mi na phaya walo timbewu tanu, aniko ti na dyiwa ngu valala vanu.

Dhewuteronome 28:51

Wona wu na dya marole a sifuyo sako, ni mihando ya mafu ako, hambi mtona, hambi marole a tihomu tako, ni sinvutana sa tinvuta tako, kala kuza u txi lova.

Mika 6:15

Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Dhewuteronome 28:33

Mihando ya thembweni kwako ni ya mithumo yako yotshe, yi na dyiwa ngu vathu vale u si va ziviko, kambe awe u na xaniswa u txi xuphwa otshe masiku.

Mavingu 28:3

Txisiwana txile txi tsindavetako sisiwana, txi fanana ni mati a ndambi, ma si siyiko fulaho ni ya yimweyo.

Genesisi 13:10

Loti a to gula maso e wona lotshe libala la Jordhani, lotshe li ti ni mati amangi, na Mkoma asanzi kuhaxula Sodhoma ni Gomora, ku ti fana ni thembwe ya Mkoma, kufana ni ditiko da Egipta di gwitelako Zowari.

Genesisi 10:19

Muhingano wa Vakanana wu ti tiya ngu Sidhoni, wu txi komba kuya Gerara, kala Gaza, ni Sodhoma, ni Gomora, ni Adhama, ni Zebhoyimi, kala kuya gwitela Lasa.

Obhadhiya 1:5

Ngako makhamba mwendo vahoxoti va txi ta ni wusiku (u hoxotilwe njani!) Ina kha va handi so tala ngutu kani? Ngako va txi ta kwako vahapheli va mauvha, ina va si siyi sizangwa sokari kani?

Valamuli 6:3

Nguko ku ti ti maheka taku, mbimo yi va ka Israyeli va nga ti ti phaya, Vamidhiyani, Vaamaleki ni vathu va wutxani, va ti ti ta va txi ta va lwisa.

Jeremiya 5:17

Vona va na dya siyalo sako ni dipawu dako; va na daya vafana vako ni sihoranana sako; va na dayela tinvuta tako ni tihomu tako, va na dya mivhina yako ni mixanvu yako. Madhoropa ako a mikhokhola awa u ma thembako, va na ma lovisa ngu ditxhari.