Valamuli 6:34 - Bhiblia Yo Sawuleka

³⁴ Sekoko Moya wa Mkoma, wu to ta ka Gidhiyoni; ene a to veta mpundu, a txi ramba va ka Abhiyezeri kasi kuve tshangana kwakwe.

Valamuli 6:34 Referans Kwoze

2 Makronika 24:20

Se Moya wa Txizimu wu to ta ka Azariya, mwana mphaxeli Joyadha, awule a nga ema masoni ka vathu, a txi khene kwawe: Txizimu txi kha txona: Ngu kutxani mi hambuka ka milayo ya Mkoma kani? Ngu konaho Mkoma nene a na mi leka.

1 Makronika 12:18

Sekoko Moya wu to wulela ka Amasayi, mthangeli wa va magumi mararu, wu txi kha wona: Athu hi vako, awe Dhavhidha! Kambe hi ni nawe, awe mwana Jese! Kudikha, kudikha ku nave ni nawe! Kudikha ku nave ni vale va ku vhunako! Txizimu txako txa kuvhuna. Se Dhavhidha a to va amukela e va maha vathangeli va mabutho a yimbi.

Valamuli 3:27

Se ku to maheka taku mbimo yi ene a nga wulela, a to veta mipundu a di mimangoni ka Efrayime; se vanana va ka Israyeli va to relela kumweko nayo ngu mimangoni, na ene a di masoni kwawe.

Valamuli 3:10

Se Moya wa Mkoma wu to ta txitimwi kwakwe, se a to maha mlamuli wa Israyeli, a txi huma eya yimbini; se Mkoma a to ningela Kuzani-Rezatayimi, mfumeli wa Siriya, manzani kwakwe; se dianza dakwe di to simama di wukela Kuzani-Rezatayimi.

Varoma 13:14

Aniko ambalani Mkoma Jesu Kristu, mi nga khataleleni mmidi, kasiku mi si londisi kunavela ka wona.

Vagalatiya 3:27

Motshenu mi nga bhabhatiselwa kwakwe Kristu, mi ambate Kristu.

Masalmo 51:11

U nga ni rethele kule ni nawe, u nga ni tekele moya wako wo sawuleka!

1 Samuwele 16:14

Se Moya wa Mkoma wu to khukha ka Sawule e sala a txi xaniswa ngu moya wo biha, wutako ngu ka Mkoma.

1 Samuwele 11:6

Sekoko mbimo yile Sawule a nga pfa timhaka eto, Moya wa Txizimu wu to wulela kwakwe, se kuhenya kwakwe ku to tura ngutu.

1 Samuwele 10:6

Se Moya wa Mkoma wu na wulela kwako, kambe u na profeta kumweko navo, u hunduka u va mmwani m'thu.

Valamuli 15:14

Se ngako a di hokile Leki, Vafilista va to m'hingeta, va txi giya ngu litsako; aniko Moya wa Mkoma wu to ta kwakwe ngu mtamo, se majoke ale va nga ti msungile ngu ona mawoko, ma to nyivilika nga tihinza ta linyu ti nga hiswa, se ni sifundo sa majoke si to thukunyuka mawokoni kwakwe, si txi wa.

Valamuli 14:19

Sekoko Moya wa Mkoma wu to ta wulela ka Samusoni ngu mtamo, se e relela a txi ya ka va ka Asikaloni, a ha a nga ya daya magumi mararu a vavamna hagari kwawe, se a txi teketela syambalo sawe, e ningela syambalo sa kubomba ngu sona, ka vale va nga randula thethekatheka; ngu kumaha keto, txi to tura txiviti txakwe, se e tshumelela m'tini ka tate wakwe.

Valamuli 13:25

Se Moya wa Mkoma wu to khata ku muhumela a di digoveloni ka Dhani, hagari ka Zora ni Exitawoli.

Valamuli 8:2

Ene a to va xamula a txi khene: “Njitxani txa hombe ni nga maha ani, txo pala ti anu mi nga maha, kani? Ina kani sizangwa sa sidotho mi nga hapha anu va ka Efrayime, hi nga sa lisima kupinda mauvha otshe hi nga elula athu va ka Abhiyezeri, kani?

Valamuli 6:11

Sekoko Ngelozi ya Mkoma, yi to ta yi txi ta zumba hahatshi ka mkusu wu wu ku Ofira ka Jowasi, wa lihunzu la ka Abhiyezeri. Gidhiyoni, mwanana wakwe, a ti ti hula fulaho amu dipipani, kasi ku yi hulukisa ka Vamidhiyani.

Joxuwa 17:2

Vamwani vanana va amukete ni vona thomba yawe madingano ni timwaya tawe; vanana va Abhiyezeri, ni vanana va Heleke, ni vanana va Asiriyeli, ni vanana va Sekumi, ni vanana va Heferi, ni vanana va Semidha. Avava mbanana va mazambi va ka Manasi, mwana Josefa, madingano ni timwaya tawe.

Mitengo 10:3

Sekoko mbimo yile yi no vetwa ngu wumbidi wa yona, wotshe msengeletano wu na tshangana hafuhi kwako, ha txikeni ka ditenda da msengeletano.

1 Samuwele 13:3

Se Jonatani a to xasela vawoneleli va Vafilista vale va nga ti ti Gibheya, eto Vafilista va nga tiziva; ngu kumaha keto, Sawule a to veta mpundu ka dotshe ditiko, a txi khene: Engisani anu Vahebheru.

1 Makronika 12:19

Vokari va ka Manasi, va to ti ningela ka Dhavhidha, mbimo yile a nga xoma ni Vafilista, ku yalwa ni Sawule, hambi ku va nga mbi vhunetela Vafilista; nguko vathangeli va Vafilista va to maha txikungo txo mtshumeta, va txi kha vona: A na ya pinda eya ka nyamne wakwe Sawule, e beta misungo yathu.