Valamuli 6:31 - Bhiblia Yo Sawuleka

³¹ Jowasi a to xamula votshe vale va nga ti ti mu wukela a txi khene: “Nganu mi lwelako Bhahali kani? Nganu mi m'vhikelako kani? Awule a no lwela Bhahali a na dawa konakuwa, nyamsi. Ngako Bhahali i di Txizimu a na ti vhikele ene apune a txi lwa ni wule a nga khundumusela txiluvelo txakwe.”

Valamuli 6:31 Referans Kwoze

Vaefesu 5:11

Mi nga wuleleni amu ka mithumo ya txidema, ayi yi si ningiko mihando, kambe yi vayileleni masoni ka votshe vathu.

1 Vakorinto 8:4

Ngu toneto, ka mhaka ya sakudya sa timhamba ta kugandela sizimu sa walo, ha tiziva hotshethu ti to Txizimu txa walo hi nga txa txilo ha ditikoni; ha tiziva ti to ku ni Txizimu, txa tximwetxo dwe, hahanze ka txona kuwalo tximwani.

Jeremiya 10:11

Mi na va gelisa tiya, mi txi khanu: Sizimu si si nga mbi maha nzuma ni mafu, si na mwalala ditikoni, ni hahatshi ka nzuma.

Jeremiya 10:5

Sifananiso sa ku nga phande thembweni ka mikhokho, si ema kona aniko kha si wombawombi; sona si lava kupakatwa, nguko kha si sikoti kutsimbila. Mi nga si thaveni, nguko kha si zivi kumaha kubiha, hambi kuva ni mtamo wo maha tinene.

Isaya 46:7

Va txi pakata, ve tsula veya txi veka ka wukhalo wa txona; txi zumba kona hale, kha txi khukhi; se ngako va txi dila ka txona, kha txi na xamulo ni ya yimweyo, hambi kutxhatxhisa ni wammweyo kuxanisekani kwakwe.

Isaya 46:1

Bheli a wisilwe, Nebho a namile, sithombe sawe si vekwa txitimwi ka sihari, txitimwi ka sihari sa hombe; mirwalo ya tithundu tanu, ya karalisa sihari sa hombe so karala.

Isaya 41:23

Hi ziviseni timhaka ti ti nota, kasi ku hi na ziva ti to anu mi sizimu; mi maha ta tinene, mwendo mi maha to biha, kasi ku hotshethu hi na ti wona hi xamala.

1 Vafumeli 18:40

Se Elija a to khene: Ñolelani votshe vaprofeti va Bhahali, ku nga huluke ni wammweyo wawe. Va to va ñolela; se Elija a to va maha ve kwitima txinambwanani ka Kixoni, va txi ya va daya kona.

1 Vafumeli 18:29

Se ku to maheka a ti to ku di pindile hagari ka mitshikari, va to profeta, kala kuza mphaxo wa sakudya wu txi ningelwa; hambiketo kha ka pfala dipswi hambi xamulo, ni kwa mbi khatala ngu txilo.

1 Vafumeli 18:27

Ku to maheka ti taku ngu hagari ka mitshikari: Elija a to va poyilela, a txi khene: Kwangulani ngu dipswi do guleka, nguko ene njizimu; ti nga nda maha eto a txo womba-womba, mwendo kuva a di ni to kari a mahako, mwendo kuva a txi pimisela dipfhumba dokari, hambi kudhuka a txi otela, a na vhumuka.

Mitengo 14:6

Se Joxuwa, mwana Nune, ni Kalebhi, mwana Jefoni, va to vharulela simaha sawe, nguko mbamwevo va vale va nga ti tsute kuya xola ditiko.

Eksodha 23:2

U nga londete mtxawa wa mtalo wa vale va mahako to biha. U nga emele ava votala habanza, ngako va txi jikisa mahungu a ditshuri,

Valamuli 6:30

Vaaki va didhoropa va to womba ka Jowasi va txi kha vona: Hi tisele mwanako hahanze, kasiku a txi ta dawa, nguko a khundumusile txiluvelo txa Bhahali, ni kugangela txithombe txa Aseri, txi nga ti ti ngu hafuhi ka kona.

Valamuli 6:32

Kukhukhela ka konako Gidhiyoni a to dhanwa ku i Jerubhahali, ngu kule Jowasi a nga khene: “Bhahali a na tivhikele ene apune, a txi lwa ni wule a nga khundumusela txiluvelo txakwe.”

1 Samuwele 12:11

Se Mkoma a to rumela Jerubhahali ni Bhedhani, ni Jefite, ni Samuwele e mi txhatxhisa manzani ka valala vanu vale va nga mi randela, se mi zumba mi di tsani.