Valamuli 6:3 - Bhiblia Yo Sawuleka

³ Nguko ku ti ti maheka taku, mbimo yi va ka Israyeli va nga ti ti phaya, Vamidhiyani, Vaamaleki ni vathu va wutxani, va ti ti ta va txi ta va lwisa.

Valamuli 6:3 Referans Kwoze

Valamuli 7:12

Vamidhiyani ni Vaamaleki ni votshe vanana va wutxani, va ti ti mbambamete mkovani, na i di vavangi nga humbi, ni mtengo wo mbi balwa wa makamelu awe, ma txi nga mtxhefa wa likasani ka linene.

Valamuli 6:33

Se votshe Vamidhiyani, Vaamaleki, ni vanana va wutxani, va to sengeletana ka wukhalo wumwewo, ve txhatuka Jordhani, va txi ta gova libalani ka Jezrayeli.

Valamuli 3:13

Se Egloni a to patana ni vanana va ka Amoni ni Vaamaleki, ve tsula ve yalwa ni va ka Israyeli, ve teka didhoropa da Mitxhese.

Jobe 1:3

A ti ti fuyile 7.000 wa tinvuta, ni 3.000 wa makamelu, 500 wa mipatwa ya tihomu, ni 500 wa timbongola; kambe a ti ti thumelwa ngu vathu vavangi ngutu; aha kaku, wamwamna wuwa, i ti ti wa hombe kupinda votshe va Wutxani.

1 Vafumeli 4:30

Wutxhari wa Solomoni i ti wa hombe kupinda wutxhari wa votshe vathu va Wutxani, ni kupinda wotshe wutxhari Vaegipta.

Valamuli 8:10

Se Zebha ni Salmuna va ti ti manekela Karikori, kumweko ni mabutho awe a yimbi aku dingana vavamna va 15.000, ava va nga ti sate ka otshe mabutho a wutxani; mtengo wa masotxhwa awa ma nga fa i ti 120.000 wa vale va nga txi tiziva kundiwita matxhari.

Genesisi 29:1

Sekoko Jakobe a to teka nzila ya kuya ka vathu va Wutxani.

Mika 6:15

Awe u na phaya, aniko khu na mbi funyela; u na kamela miolivha, anko khu na mbi tola mafura a kona; se ni mauvha, aniko khu na mbi yi sela vhinya ya kona.

Jobe 31:8

sekoko ni na phaye, mmwani a txi dya, ni liveleko langu li na dulwe ngu mikolotini.

Dhewuteronome 28:51

Wona wu na dya marole a sifuyo sako, ni mihando ya mafu ako, hambi mtona, hambi marole a tihomu tako, ni sinvutana sa tinvuta tako, kala kuza u txi lova.

Levhi 26:16

sekoko nani ni na mi maha tiya: Ni na mi tisela kuthava txitimwi kwanu, dikhodho ni txindeyandeya, asile si no mi heta maso ni kuxupha mimoya yanu; mi na phaya walo timbewu tanu, aniko ti na dyiwa ngu valala vanu.

Valamuli 6:2

Se Vamidhiyani va to xanisa ngutu vanana va ka Israyeli. Se vanana va ka Israyeli va to tutumela maphalani ka mimangoni ni mu tiphakoni ni mu mibhalani.

Valamuli 6:4

Va ti ti bwaka ve gova hafuhi navo, va txi handa timbewu tawe ta mu tithembweni ka mihinganoni ni Gaza, va si siyi ni txo ve hanya ngu txona va ka Israyeli, hambi tinvuta, hambi tihomu, mwendo timbongola.

1 Vafumeli 20:27

Se a to xola vanana va ka Israyeli ni vona, e va mana va di longile, va to tsula kuya hingelela masoni ka Vasiriya, hambiko Vaisrayeli i nga ti mitxawa yimbidi yayidotho, yo fana ni tiphongo, na Vasiriya va di tatile dotshe ditiko.

Isaya 62:8

Mkoma a xambanyile ngu dianza dakwe da txinene, ni diwoko dakwe da mtamo, a txi khene: Kha ni na mbiswa kambe ni ningela fulaho yako ka valala vako, hambi va mamwani matiko kha va na mbi sela vhinya yako, yile u nga ti thumela.

Ezekhiyele 25:4

wona taku ni na kuningela uva thomba ya va Wutxani, va na tsanisa mazambo awe kwako, ve aka tinyumba tawe kwako; va na dya mihando yako, ve sela masi ako.

Genesisi 25:6

A ningile simaha sokari ka vanana va sikaba sakwe, a txi ngadi e hanya, a to va hambanisa ni mwanana wakwe Isaake, a txi va rumela ka ditiko da wutxani.

Eksodha 17:8

Sekoko Vaamaleki va to khukha va txi ya Refidhime, kasi va txi yalwa ni va ka Israyeli.

Valamuli 10:12

ka Vasidhoni, ka Vaamaleki, ka Vamawoni, va nga ti ti mi xanisa mbimo yile mi nga dila kwangu kani?

1 Vafumeli 5:10

Ngu toneto, Hiramu a to ninga mapulango a mikedhari ni a mikipresi ka Solomoni, madingano ni kuranda kwakwe.

Isaya 11:14

Aniko va na purumela makatani ka Vafilista, ngu Mswa-ditambo; va na handa kumweko vanana va Wutxani; ve ñola Vaedhomi ni Vamowabhi, se vanana va Amoni va na va engisa.

Jeremiya 49:28

Xungetano ngu Kedhari, ni mifumo ya Hazori, avale va nga pekwa ngu Nebhukodhonosori, mfumeli wa Bhabhilona. A khene kha Mkoma: Khukhani, kwelani mi txi ya khundumusa Kedhari, ni kuhangalasa vanana va Wutxani.

Ezekhiyele 25:3

Se i nda khawe ka vanana va ka Amoni: Engisani dipswi da Mkoma Txizimu: Mkoma Txizimu a khene: Ngako awe u nga khawe: Yowe! Yowe! Madingano ni nyumba yangu yo sawuleka, mbimo yile yi nga nyenyeziswa; ni mhaka ya ditiko da ka Israyeli, mbimo yile di nga xaselwa; ni mhaka ya va nyumba ya ka Judha, mbimo yile va nga yiswa wukhumbini;