Valamuli 6:26 - Bhiblia Yo Sawuleka

²⁶ Ngu msana u na aka txiluvelo txa Mkoma, Txizimu txako, ngu txitimwi ka dirigwi diya, msana ka kuva u di lulamisile. U na teka didhuna da wumbidi u txi maha ngu dona mhamba yo hiswa ngu tikhuni ta txithombe, a txi u nova u di txi gangete.”

Valamuli 6:26 Referans Kwoze

1 Vakorinto 14:40

Aniko totshe ti na mahwe ngu fanelo ni mlayo.

1 Vakorinto 14:33

Nguko Txizimu hi nga Txizimu txa vhilinganya, aniko i Txizimu txa kudikha. Madingano ni txiheno txa otshe mabanza a vasawuleki,

2 Samuwele 24:18

Se ka ditshiku donedo, Gadhi a to ta ka Dhavhidha, a txi ta khene kwakwe: Kwelela, u ya aka txiluvelo txa Mkoma txizendani ka Arawuna, Mujebhusi.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

Valamuli 6:25

Se ka wona ewo wusiku Mkoma a gete Gidhiyoni a txi kha ene: “Teka didhuna da tate wako adile i ku didhuna, da mtxhanu wa malembe, u txi khundumusa txiluvelo txa Bhahali, atxile txi lumbako tate wako, u txi khundumusa kambe txithombe txa Aseri, atxi txi ku hafuhi ka kona.

Valamuli 6:27

Sekoko Gidhiyoni a to teka digumi da vavamna, a txi maha nga ti Mkoma, a nga m'gelisa tona. Aniko, ngako a nga ti ti thava vathu va hamwayani ka tate wakwe ni va hadidhoropani, kha ti lava kumaha totsheto ni mitshikari a to maha totshe ni wusiku.

1 Samuwele 6:14

Se txikotxikani txi toya thembweni ka Joxuwa, wa Bheti-Semi, se txiya ema kona hale; koneho ku ti ni dirigwi da hombe; va to bhandisela mapulango a txikotxikani, ve ningela tihomu ta mikati u va mphaxo wo hiswa ka Mkoma.

2 Samuwele 24:22

Sekoko Arawuna a to khene ka Dhavhidha: Teka u ningela awe mfumeli, nyamne wangu, nga ti u ti wonisako tona; ndite tihomu ta mphaxo wo hiswa, ni makange a tona, ni tindonga to hula ngu tona kasi kumaha tikhuni.