Valamuli 6:25 - Bhiblia Yo Sawuleka

²⁵ Se ka wona ewo wusiku Mkoma a gete Gidhiyoni a txi kha ene: “Teka didhuna da tate wako adile i ku didhuna, da mtxhanu wa malembe, u txi khundumusa txiluvelo txa Bhahali, atxile txi lumbako tate wako, u txi khundumusa kambe txithombe txa Aseri, atxi txi ku hafuhi ka kona.

Valamuli 6:25 Referans Kwoze

Valamuli 3:7

Se vanana va ka Israyeli va to maha kubiha masoni ka Mkoma, ve divala Mkoma, Txizimu txawe, aniko ve thumela Vabhahali ni Asterote.

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

Mithumo 5:29

Aniko Pedro ni vamwani Vapostoli va to xamula, va txi kha vona: “Ti ni fanelo ngutu kuengisa Txizimu kupinda kuengisa vathu.

Matewu 10:37

“Awule a randako ngutu tate mwendo mame wakwe kupinda ani, kha ni faneli. Awule a dhundako ngutu mwanana wakwe wa mfana mwendo wa dihorana kupinda ani, kha ni faneli.

Matewu 6:24

“Ku walo m'thu wu a sikotako kuthumela vakoma vambidi, nguko mwendo a na vengela mmweyo e dhunda mmwani, mwendo a na namarela ka mmweyo e kanyisa mmwani. Kha mi na kusikota kuthumela Txizimu ni thomba ya mafu.”

1 Vafumeli 18:21

Sekoko, Elija a to tshuketa hafuhi ka votshe vathu a txi khene: Mi na khwita hagari ka mipimiso yimbidi kala yihi mbimo kani? Ngako Mkoma i di Txizimu mlondiseleni; ni loku i di Bhahali, mlondiseleni. Hambi keto, vathu kha va mxamula txilo.

Mithumo 4:19

Kambe Pedro ni Johani va to xamula, va txi kha vona: “Ati ti nga lulama masoni ka Txizimu ngu tihi kani: Kuengisa anu mwendo kuengisa Txizimu kani?

Masalmo 101:2

Ni lava kutsimbila ngu nzila yo lulama. U na ni hingeta ditshiku muni? Nyumbani kwangu ni na hanya ngu mbilu ya kuthutha;

Jobe 22:23

Se ngako u txi tshumelela ka wu wa Mtamo-wotshe, u na akwa; tsulisa kule wubihi wu wu ku ditendani kwako.

Dhewuteronome 7:5

Ngu tiya mi fanelako ku va mahela, kukhundumusa siluvelo sawe, mi txi fayetela marigwi awe a wukhongeli, mi wilela tiphande tawe, ni kuhisa sithombe sa Aseri.

Genesisi 35:2

Sekoko Jakobe a to womba ka ngamu yakwe yotshe ni ka votshe vale a nga ti navo, a txi khene: “Tshotshani hahanze sotshe sithombe sa sizimu sa vamatiko, asi si ku hagari kwanu, ti basiseni mi txitxa ni syambalo sanu.”

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

Valamuli 6:26

Ngu msana u na aka txiluvelo txa Mkoma, Txizimu txako, ngu txitimwi ka dirigwi diya, msana ka kuva u di lulamisile. U na teka didhuna da wumbidi u txi maha ngu dona mhamba yo hiswa ngu tikhuni ta txithombe, a txi u nova u di txi gangete.”