Valamuli 6:19 - Bhiblia Yo Sawuleka

¹⁹ Se Gidhiyoni a to huma a txi ya lulamisa phongo, ni mpimo wa efa wa mpupu, a to maha mapawu o mbi tshumbelwa. E veka nyama amu ka thavangu, e thela mro amu ka khadi, a txi si tisa sotshe hahatshi ka mkusu, e ta si ningela ka ngelozi, ayi yi nga ti mrinzete.

Valamuli 6:19 Referans Kwoze

Levhi 2:4

Se ngako wu txi mahwa mningelo wa sakudya so bhikwa, ku na mahwa sibhubhutela ngu mpupu wa wunene, wo mbi tshumbelwa, wo vhuvwa ni mtona, ni sibhubhutela so mbi tshumbelwa, si di thetwe mtona.

Matewu 13:33

Se a to engeta e va gela tximwani txidinganiso a txi khene: “Mfumo wa nzumani wu fana ni mtshumbelo, awu wamsikati wokari a wu tekako e wu pata mu ka mipimo yiraru ya mpupu, kala kuza sotshe si vila.”

Genesisi 18:5

Ngako mi nga pinda ngu hawa ka txithumi txanu, ani ni na khata ngu ku mi tisela txikhwemu txa dipawu, kasi mi nata malata mnyoka, se ngu msana mi txi longoloka ni dipfhumba danu.” Vona va to kha vona: “Maha tona eto u ti wombako.”

Valamuli 6:18

U nga khukhe hawa, na ku kombela kala kuza ni txi wuya ni mningelo wangu, ni txi ta wu veka masoni kwako. Mkoma a to xamula a txi kha ene: “Ngu tona, ni na rinzela kala u txi wuya.”

Valamuli 6:20

Ngelozi ya Mkoma yi m'gete yi txi kha yona: Teka nyama ni mapawu o mba tshumbelwa, u txi si veka txitimwi ka dirigwi diya, u txi thela mro ngu txitimwi ka kona. Gidhiyoni a mahile totshe eto.

Genesisi 18:3

a txi khene: “Awe nyamne wangu, na ku kombela, ngako ni di mani kukateka masoni kwako, u nga pinde ngu ha m'tini ka txithumi txako, u sa nga ema.

Valamuli 13:20

Se ku to maheka taku, mbimo yile dituro da mndilo di nga kwela ngu ha txiluveloni di komba nzumani, Ngelozi ya Mkoma yi to kwela ngu kona hale ka dituro da ha txiluveloni; ngako Manowa ni msikati wakwe va di ti woni, va to wa hahatshi ngu tikhohe tawe.