Valamuli 6:15 - Bhiblia Yo Sawuleka

¹⁵ Se Gidhiyoni a to xamula a txi khene: “Mkoma wangu, ni na sikotisa kutxani kuhulukisa Israyeli kani? Nyumba yangu nja wusiwana ngutu hagari ka va ka Manasi, ni nani kambe ni tshole amu nyumbani ka tate wangu.”

Valamuli 6:15 Referans Kwoze

1 Samuwele 9:21

Sekoko Sawule a to xamula, a txi khene: Ina ani kha ni nga mwanana wa ka Bhenjamini, wa lihunzu la lidhoto la ka Israyeli kani? Ni mwaya wangu hi nga wa wudhoto ka yotshe mimwaya ya lihunzu la ka Bhenjamini kani? Ngu kutxani koko u ni angulako ngu mapswi o fana ni awa kani?

Eksodha 3:11

Sekoko Mosi a to khene ka Txizimu: “No va mani ani wa kusikota kuya ka Faro, ni txi ya humisa vanana va ka Israyeli ditikoni ka Egipta kani?”

Eksodha 4:10

Sekoko Mosi a to khene ka Mkoma: “Yowe! Mkoma! Ani kha ni nga m'thu wo womba-womba ta tinene, hambi nyamnova, hambi nyatulo, hambi nyamsi konkuwa u nga womba-womba ni txithumi txako; kha ni sikoti kuwombawomba ta tinene, nguko ni m'thu wa kukangamela ni txidimiti.”

Jeremiya 1:6

Sekoko ani ni ti khani: “Oho! Mkoma Txizimu! Wona taku kha ni sikoti kuwombawomba; nguko ni mwanana!”

Vaefesu 3:8

Ani wu, ni ku wam'dotho hagari ka votshe vasawuleki ni ningilwe kateko yiya ya kunuwela ka vamatiko mahungu amanene a thomba yo mbi balwa ya Kristu;

1 Vakorinto 15:9

Nguko ani ni m'dotho ka votshe vapostoli; kha ni fanekelwi ngu kudhanwa ngu ditina da mpostoli, nguko ni xanisile dibanza da Txizimu.

Luka 1:34

Mariya a nje khene ka ngelozi: “Ti na mahekisa kutxani tiya, eko ni si ziviko wamwamna kani?”

Mika 5:2

Awe Bhetlehema wa Efrata, awe u ku wam'dotho hagari ka Judha, ku na huma ngu kwako awu a no va Mfumeli wa Israyeli, eyo makhato akwe i ku a kukhukhela kale, kukhukhela ka masiku a kaleko.

Jeremiya 50:45

Sekoko, pfanani txileleto txa Mkoma txo sola Bhabhilona, ni kuwomba kwakwe madingano ni Vakaldheya: Ngu ditshuri ava vavadotho ngutu va mtxhambi, va na va ndinda-ndinda; ngu ditshuri di na fuviswa dizumbo dawe.

1 Samuwele 18:23

Se sithumi sa Sawule si to gela Dhavhidha otshe mapswi awa. Sekoko Dhavhidha a to khene: Ina yi maneka i di mhaka ya yidhoto kwanu kuva mwane wa mfumeli, aku ani ni ku txisiwana txo eyiseka, kani?

Genesisi 32:10

Ani kha ni nga ni fanelo yo mahelwa wotshe wuxinji, ni wotshe wunene awu u nga va nawo kwangu, ani txithumi txako. Ani ni ti kova ni mtxheketelo dwe, mbimo yi ni nga txhatuka mnambo wuwa wa Jordhani, se konkuwa ni na ni mitxawa yimbidi.

Valamuli 6:11

Sekoko Ngelozi ya Mkoma, yi to ta yi txi ta zumba hahatshi ka mkusu wu wu ku Ofira ka Jowasi, wa lihunzu la ka Abhiyezeri. Gidhiyoni, mwanana wakwe, a ti ti hula fulaho amu dipipani, kasi ku yi hulukisa ka Vamidhiyani.