Valamuli 6:11 - Bhiblia Yo Sawuleka

¹¹ Sekoko Ngelozi ya Mkoma, yi to ta yi txi ta zumba hahatshi ka mkusu wu wu ku Ofira ka Jowasi, wa lihunzu la ka Abhiyezeri. Gidhiyoni, mwanana wakwe, a ti ti hula fulaho amu dipipani, kasi ku yi hulukisa ka Vamidhiyani.

Valamuli 6:11 Referans Kwoze

Joxuwa 17:2

Vamwani vanana va amukete ni vona thomba yawe madingano ni timwaya tawe; vanana va Abhiyezeri, ni vanana va Heleke, ni vanana va Asiriyeli, ni vanana va Sekumi, ni vanana va Heferi, ni vanana va Semidha. Avava mbanana va mazambi va ka Manasi, mwana Josefa, madingano ni timwaya tawe.

Vahebheru 11:32

Nji txani kambe ni fanelako kuwomba, kani? Nguko mbimo, nga yi si dingani ti to ni womba mahungu ngu ta Gidhiyoni, ni Bharake, ni Samusoni, ni Jafete, ni Dhavhidha, ni Samuwele, ni vaprofeti.

Valamuli 13:3

Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”

Valamuli 8:2

Ene a to va xamula a txi khene: “Njitxani txa hombe ni nga maha ani, txo pala ti anu mi nga maha, kani? Ina kani sizangwa sa sidotho mi nga hapha anu va ka Efrayime, hi nga sa lisima kupinda mauvha otshe hi nga elula athu va ka Abhiyezeri, kani?

Isaya 63:9

Ka kotshe kuxaniseka kwawe, ngene a nga xaniswa, se Ngelozi yile yi ku masoni kwakwe yi to va huanyisa; ngu lirando lakwe ni wumbilu wakwe, a to va tirula, se e va teka ni ku va tsimbitisa ka otshe masiku a kaleko.

Genesisi 48:16

Ngelozi yi yi nga ni hulukisa ka to biha, yi na katekisa vafana vava, ngu konaho kwakwe ditina dangu di na simame di txi ya masoni, kumweko ni ditina da Abrahamu ni Isaake, i ku vatate vangu; vafana vava va na kule va txi anda ha mafuni.

Genesisi 16:7

Ngelozi ya Mkoma yi to mana Hagari a di hafuhi ni txisima txi txi ku txiwulani, txisima txi txi ku hafuhi ni nzila ya kuya Suri,

Valamuli 5:23

Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

Joxuwa 18:23

Ayini, Para ni Ofira,

Mitengo 26:30

Avava ngu vona vanana va Gileyadhi: Va ka Jezeri, mba nyumba ya ka Jezeri; va ka Heleke, mba nyumba ya ka Heleke.

Valamuli 6:12

Ngelozi ya Mkoma yi to ta ti wonekisa kwakwe, yi txi kha yona: Mkoma ana ni nawe wamwamna wa ndena!”

Valamuli 13:6

Sekoko wamsikati a to wulela e womba-womba ni mwamna wakwe, a txi khene: M'thu wa Txizimu a tile kwangu, a txi wonekisa kuthisa ko fana ni ka Ngelozi ya Txizimu; aniko kha na mu wotisa taku a txi ta ngu hani, hambi ene kha ni gela ditina dakwe.

Valamuli 9:5

Kambe a to tsula nyumbani ka tate wakwe, kona Ofira, eya daya vanawe, vanana va Jerubhahali, mtxhanu wa magumi ni mambidi txitimwi ka dirigwi dimwedo. Se Jothamu mwanana wa tshole wa Jerubhahali, a to huluka nguko a ti sisate.

1 Vafumeli 19:19

Elija a to khukha ngu hale, eya manela Elixa mwana Safati, a nga ti dima ngu mipatwa ya digumi ni yimbidi ya tihomu masoni kwakwe, se a ti ni mpatwa wo gwitisa. Elija a to mtshuketela e msanzeka dijasi ha makata kwakwe.