Valamuli 6:10 - Bhiblia Yo Sawuleka

¹⁰ Ni wombile kambe kwanu ni txi khani: Ani ngani Mkoma, Txizimu txanu, mi nga thaveni sizimu sa Vaamori, avale mi nga zumba ditikoni kwawe. Aniko anu kha ma ni engisa.

Valamuli 6:10 Referans Kwoze

Jeremiya 10:2

Mkoma a khene: Mi nga gondeni mahanyelo a vamatiko, mi nga thavisweni ngu sikombiso sa nzumani, nguko vamatiko va thaviswa ngu sona.

Jeremiya 9:13

Se Mkoma a to khene: Nguko va lekile mlayo wangu, awu ni nga wu huwelela masoni kwawe, kha va engisa dipswi dangu, hambi ku di londeta.

Jeremiya 43:7

Se va to wulela ditikoni ka Egipta, nguko kha va engisa dipswi da Mkoma ka Jeremiya, va to hoka Tafinesi.

Jeremiya 43:4

Johanani koko, mwana Kareya, ni tinduna totshe ta yimbi, hambi ni votshe vathu, kha va engisa dipswi da Mkoma, kasi kuzumba ditikoni ka Judha.

Jeremiya 42:21

aniko, ngako ni nga mi gela tiya nyamsi, kha ma engisa dipswi da Mkoma, Txizimu txanu, ka ni txihi txilo a nga ni ruma ngu txona kwanu.

Jeremiya 3:25

Ahiweni hahatshi tinganani kwathu, hi fenengela tona, nguko hi onhete Mkoma, Txizimu txathu, athu kumweko ni vatate vathu, kukhukhela ha wuphyani kwathu kala nyamsi; kha ha engisa dipswi da Mkoma, Txizimu txathu.”

Jeremiya 3:13

U fanete kutumela wubihi wako dwe, ti taku u lekile Mkoma, Txizimu txako, na u txi tutuma ka madhawa otshe uya ka sizimu sa vamatiko, hahatshi ka mindonga yotshe yo nyuka, kha ma engisa dipswi, kuwomba Mkoma.

Valamuli 2:2

Se anu koko, mi nga maheni txitumelelano ni vaaki va ditiko diya; aniko khundumuselani siluvelo sawe.” Kambe anu, kha ma engisa dipswi dangu. Ngu kutxani mi nga mahetela toneto kani?

Vahebheru 5:9

Msana ka kuva a di tatisile tifanelo takwe, a mahile txisima txa wutomi wo mbi guma ka votshelele vale va mu engisako.

Varoma 10:16

Aniko hi nga votshe va va nga amukela Evhangeli. Ngu toneto, Isaya a wombile a txi khene: “Mkoma, i mani a nga kholwa ka ti hi nga txhumayela kani?”

Zefaniya 3:2

Kha di engisi dipswi, kha di tumeli kukawukwa, kha di thembi Mkoma, hambi kutshuketa ka Txizimu txa dona.

Mavingu 5:13

Kambe kha na pfisisa dipswi da vagondisi, hambi ku riya nzeve yangu ka valayeli vangu!

2 Vafumeli 17:33

Ngu kumaha keto, va ti ti ni txithavo ka Mkoma, ni kuthumela sizimu sawe, madingano ni sihena sa mifumo yile va nga ti tekilwe ka yona.

Joxuwa 24:15

Aniko, ngako ti si tsakisi masoni kwanu kuthumela Mkoma, sawulani nyamsi awule mi no mthumela: Mwendo sizimu sile vatate vanu va nga si thumela mtxhatuko ka mnambo, mwendo sizimu sa Vaamori, evo mi zumbako ditikoni kwawe; aniko ani ni nyumba yangu, hi na khozela Mkoma!”

Valamuli 6:9

Ni mi hulukisile manzani ka Vaegipta, ni manzani ka votshe vale va nga ti ti mi xanisa. Ni va tutumisile masoni kwanu, ni txi mi ninga ditiko dawe.

2 Vafumeli 17:7

Ti mahekile tiya ngu ku vanana va ka Israyeli, va nga onha ka Mkoma, Txizimu txawe, awu a nga va humisa ngu ditikoni ka Egipta, hahatshi ka dianza da Faro, mfumeli wa Egipta; se va to khozela simwani sizimu.

Eksodha 34:12

Ti wonele, u nga mahe Txitumelelano txihi ni txihi ni vaaki va ditikodo uyako ka dona; kasiku va si thuki va txi kuriyela u txi zwetwa, u txi lova.

Eksodha 34:14

Khu na mbi khozela simwani sizimu, nguko Mkoma a dhanwa ku mbwa txiluse, i Txizimu txa txiluse.

2 Vafumeli 17:13

Se Mkoma a to wukela Israyeli ni Judha, ngu dipswi da votshe vaprofeti, ni votshe vahuti, a txi khene: Hundulukani ka tinzila tanu to biha, mi vekisa milayo yangu ni sileleto sangu, madingano ni Milayo yotshe ni nga ninga vatate vanu, kambe ni nga rumela kwanu ngu sithumi sangu, i ku vaprofeti.

Nehemiya 9:29

Se u va laya ti to ve tshumelela ka mlayo wako; aniko vona va to ti kulisa, va si engisi sirumo sako, ve onhela wululamo wako, awu ngako m'thu a txi wu londisa a na hanya.

Jeremiya 17:23

Vona kha va engisa, hambi kuhuphuta tinzeve tawe; aniko va to bangisa tithamo tawe, kasi va si engisi, ni kwa mbi amukela kulaywa.