Valamuli 6:1 - Bhiblia Yo Sawuleka

¹ Aniko vanana va ka Israyeli, va to engeta ve maha kubiha masoni ka Mkoma; se Mkoma a to va ningela manzani ka Vamidhiyani, amu ka mtxhanu wa malembe ni mambidi.

Valamuli 6:1 Referans Kwoze

Valamuli 2:11

Sekoko, vanana va ka Israyeli va to maha kubiha masoni ka Mkoma; se va to thumela va ka Bhahali.

Genesisi 25:2

Ketura a to m'velekela vanana vava: Zamirani, Jokisani, Madhani, Midhiyani, Jesibhoke ni Xuwa.

Habhakuki 3:7

Ni wona matenda ya Kusani ma di kupandisekani; matenda a ditiko da Midhiyani ma txi dhudhumela.

Vahebheru 11:32

Nji txani kambe ni fanelako kuwomba, kani? Nguko mbimo, nga yi si dingani ti to ni womba mahungu ngu ta Gidhiyoni, ni Bharake, ni Samusoni, ni Jafete, ni Dhavhidha, ni Samuwele, ni vaprofeti.

Genesisi 37:28

Ku ti ngako vanyamabhindu va Midhiyani va txi pinda ngu hafuhi kwawe, vona va to humisa Josefa ngu mu diphalani, ve mxavisa Josefa ka va ka Ismayeli ngu magumi mambidi a maxekele a silivhela, se vanyamabhindu va to mteka, ve tsula nayo Egipta.

Mitengo 22:4

Ngu kumaha keto, Mowabhi a to khene ka madhota a Vamidhiyani: “Wonani msengeletano wuwa, wu na dya sotshe si si nga hi rendelekela, ku nga tihomu tidyako mwasi wa txitinga. Ka yona yile mbimo, Bhalake, mwana Zipora, i ti mfumeli.”

Valamuli 6:13

Gidhiyoni a to xamula a txi khene: O nyamne wangu! Ngako Mkoma a di ni nathu, tita ngu hani totshe ti ti hi humelelako kani? Si hani sotshe sidiwukiso sakwe, asiya vatate vathu va hi xawutelako, va ku kha vona: Kasi Mkoma kha hi humisa ditikoni ka Egipta kani? Kambe kona kuwa, Mkoma a hi tshotshile, aniko a hi ningete manzani ka Vamidhiyani.

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.