Valamuli 5:5 - Bhiblia Yo Sawuleka

⁵ Mimango yi nyivilikile masoni ka Mkoma, ni wona mmango wa Sinayi, masoni ka Mkoma, Txizimu txa ka Israyeli.

Valamuli 5:5 Referans Kwoze

Eksodha 19:18

Mmango wotshe wa Sinayi wu to tuvika, nguko Mkoma a ti relete e maneka txitimwi ka wona, ngu hagari ka mdhikila wa mndilo. Wutshi wu wu nga ti tuvika wu txi guleka, i ti ku nga wa dibivi se mmango wotshe wu to dekadeka ngu mtamo.

Masalmo 97:5

Mimango ya nyivilika nga phula, masoni ka Mkoma Txizimu i ku nyamne wa otshe mafu.

Nahume 1:5

Mimango ya zinginika masoni kwakwe, ni simangwana sa nyeka; se mafu ma guleka masoni kwakwe, ina, ditiko ni votshe va va hanyako ka dona.

Vahebheru 12:18

Kha ditshuri, anu kha ma tshuketela, kufana ni vanana va Israyeli, ka mmango wu wu sikotako kugweswa, awu wu ku ni mndilo wo tura, ni txidema, hunguva, ni txingulu.

Habhakuki 3:10

Mimango yi kuwonile yi dhudhumela; ni kutalelwa ngu mati kupindile; dipswi dakwe a di ningete ka kuhokoma, manza akwe a ma guletile txitimwi.

Masalmo 68:8

mafu ma to dekadeka, se mati me wa ngu nzumani, ngu mhaka ya kuva txi diho Txizimu txa Sinayi, ngukuva a diho Mkoma, Txizimu txa Israyeli.

Masalmo 114:4

Mimango yi to jala nga tihamba ni mimango yi to ndaka nga sinvutana!

Eksodha 20:18

Vathu votshe va to engisa kudhuma ka singwalangwanda, kukeluka, kutuma ka mpundu ni kutuvika ka mmango, vathu va to telwa ngu dizowa, va txi manekela kule.

Masalmo 104:32

Mafu ma dhudhumela, ngako Mkoma a txi ma wonetela; mimango ya tuvika wutshi, ngako ene a txi yi gwesa.

Masalmo 68:9

Awe Txizimu, awe u mahile ma txi na mati ngu mtalo; u wusetile mafu awa i ku ako.

Isaya 63:19

Hi tshumete hi txi nga vale u si khaliko ku va fumela, ni kufana ni vale va si khaliko kudhanwa ngu ditina dako.