Valamuli 5:30 - Bhiblia Yo Sawuleka

³⁰ Va nava va di kuphakelani ka si va nga handa kani? Wamwamna wammweyo, ina kha ningwa dihorana dimwendo mwendo mahorana mambidi, kani? Tinguwo to rungelwa ngu kutshuriselwa, nda Sisera, tinguwo to rungelwa ngu kutshuriselwa to bombisa thamo ya msikati wakwe.

Valamuli 5:30 Referans Kwoze

Eksodha 15:9

Mlala a ti ti khene: “Ni na va londeta, ni na va mana, ni na va honyolela simaha sawe; ni txi va tekela sotshe si ni si lavako; wu na khura ngu sona moya wangu, ni na swomola ditxhari dangu, ni va fuvisa ngu dianza dangu!”

Masalmo 45:14

A di bombisilwe ngu so tshura ngutu, wa heleketwa ka mfumeli; a londiselwa ngu mahorana kulowe a tipheleketi.

Jobe 20:5

litsako la vaonhi kha li sweli, ni kutsaka ka vakanganyisi nga mbimonyana kani?

2 Samuwele 13:18

Se Tamra a ti ti ambate txyambalo txa mixowo yayingi (nguko va ti ti ambala mikhatxwa yo nga toneto vanana vamahorana vo tuma va vafumeli), se txithumi txa Aminoni txi to humisa Tamara hahanze, ngu msana txi seka ditimba.

Genesisi 37:3

Se Israyeli a ti ti randa ngutu Josefa, kupinda votshe vanana vakwe, nguko i ti mwanana wa wukhovana wakwe; se a to rumisa ku e rungelwa dibhaji do lapha da mixowo yayingi.

Valamuli 5:19

Vafumeli va tile va txi ta lwa, vafumeli Vakanana va lwite ditikoni ka Tahanaki, mabambe ka mati a Megidhu, aniko, kha va teka simaha sa kuhonyola sa silivhela.

Valamuli 5:29

Vasikati vo txariha va m'zinda va to mxamula; se nene apune a to ti xamula a txi khene:

Masalmo 68:12

“Vafumeli ni mabutho awe ndivale va thava, m'tini vavasikati va phakelana sile si nga honyolwa ka mlala.”

Mavingu 16:19

I txhuko kuva wo ti namisa moyani ni vale vo divala, kupinda ku abanelana so handwa ni vale vo ti kukumukisa.

Eksodha 27:16

Ditimba da diguma di na va da m'jiyo: Da magumi mambidi a mikono a nguwo ya mkuxe, ya txiwunguwungu, yo bhilivila, ya linyu yo hehuka yo somborotelwa, yo rungwa ngu kutshuriselwa; ayi yi no va ni mune wa tiphande ni mune wa sipande.

Isaya 9:2

Vathu va va nga ti tsimbila txidemani, va woni liwoningo la hombe; ni ka va va nga ti zumbile ditikoni ka mtsudi wa lifo, ku humelete liwoningo txitimwi kwawe.