Valamuli 5:3 - Bhiblia Yo Sawuleka

³ Anu vafumeli engisani! Anu vathangeli engisani! Ani ni na dhumisa Mkoma ngu kuembelela, Ni na embelela tindando, ni dhumisa Mkoma, Txizimu txa Israyeli!

Valamuli 5:3 Referans Kwoze

Masalmo 119:46

Ni na nuwela milayo yako ka vafumeli kuwalo ni wammweyo a no ni wisa tingana.

Ezra 7:21

“Kambe ani nipune, mfumeli Aritasasta, na ruma ka votshe vaxayisi va tithomba va ku mtxhatuko ka mnambo taku, ni tihi tile a no mi kombela mphaxeli Ezra, mabhalani wa Mlayo wa Txizimu txa nzumani, ti na mahwe ngu kukuluveta.”

1 Vafumeli 19:14

Se Elija a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 19:10

Se ene a to khene: Ni xambanyile kuthumela ngutu Mkoma, Txizimu txa Mabutho a Tiyimbi, nguko vanana va ka Israyeli va lekile txitumelelano txako, va khundumusete siluvelo sako, ve dayela vaprofeti vako ngu ditxhari; se ngani nokha ni nga sala, se va xota kuthavisa wutomi wangu.

1 Vafumeli 18:22

Sekoko Elija a to khene ka vathu: Ngani nokha mprofeti wa Mkoma ni nga sala, kuve vaprofeti va Bhahali i 400 wa vavamna.

Valamuli 5:7

Ku to pwateka vathangeli hagari ka Israyeli, kala kuza ani Dhebhora ni txi khukha, ni txi khukha kota mame wa va ka Israyeli!

Dhewuteronome 32:3

Nguko ni na huwelela ditina da Mkoma; Dhumisani Txizimu txathu!

Dhewuteronome 32:1

Riya nzeve awe nzuma, nguko ni lava kuwombawomba; Awe mafu, engisa mapswi a txisofu txangu!

Levhi 26:28

sekoko, ni na mi wukela ngu kuhenya, ni txi mi tsayisa kambe, ngu kuwuyeleta mtxhanu wa sikhati ni simbidi, ngu mhaka ya sionho sanu.

Eksodha 31:6

Ni mningile m'vhuneteli wakwe i ku Holiyabhi, mwana Ahizamake, wa lihunzu la ka Dhani. Ni thete wuzivi timbiluni ka totshe titxhari tanu, kasiku ve sikota kumaha totshe ati ni nga kuleleta:

Genesisi 9:9

“Wonani, na tsanisa Txitumelelano txangu ni nanu, kumweko ni vanana vanu, ava va no velekwa msana kwanu,

Genesisi 6:17

Nguko ni na wuyisa ndambi ya mati ha ditikoni, a ha ku no tala, ku na fuviswa hahatshi ka nzuma sotshe sivangwa si si hanyako, asi si ku ni muhefemulo wa wutomi. Sotshe si si kuho mafuni, si na fuva.

Masalmo 27:6

Ti di halo, ni na sikota kuguleta msungo wangu txitimwi ka valala vangu; ni na sikota kuphaxa mhamba yangu mu Nyumbani ka Txizimu, ni peka mkulungwani wa litsako ni kuembelela tindando to dhumisa Mkoma.

Masalmo 61:8

Ngu toneto, ni na embelela masalmo ka ditina dako ngu ha ku si gwitiko, kasi kutatisa sixambanyo sangu ditshiku ni ditshiku.

Masalmo 146:2

Ni na dhumisa Mkoma, ni txi ngadi ni hanya; ni na embelela kudhumisa ka Txizimu txangu, ni txi ngadi ni hanya.