Valamuli 5:26 - Bhiblia Yo Sawuleka

²⁶ A tekile txikhongwani ngu dianza dakwe, ngu dianza dakwe da txinene a ñote hamela yo nemela ya vatshuli. A gogotete txikhongwani ha msungo ka Sisera, a txi wu dhoda, a txi bhandisela msungo mbimo yi a nga gogotela txikhongwani e wu dhoda.

Valamuli 5:26 Referans Kwoze

2 Samuwele 20:22

Se wamsikati ngu wutxhari wakwe a to ya womba-womba ni votshe vathu, se va to ya wila msungo wa Sebha, mwana Bhikiri, veya wu rinza ka Jowabhi. Sekoko Jowabhi a to veta mpundu, ve huma didhoropani, mmweyo ni mmweyo e ti tsulela ditendani kwakwe. Kambe Jowabhi a to tshumelela Jerusalema ka mfumeli.

Valamuli 4:21

Aniko Jayeli, msikati wa Hebheri, a to dula txikhongwani txa ditenda, a txa teka hamela, e tshuketa hafuhi ngu kumbzingamela, e txi gogotela hambanza ka Sisera, txi txi dhoda kala txi zima hahatshi ha mafuni. Nguko ene a ti ti otete wukohe wa hombe, ngu kukarala, a so fisa toneto.

Valamuli 5:25

Sisera a mkombete mati, se Jayeli a to mtisela masi; a txi m'wuyisela masi a diwomba, amu ka digombe da wukoma.

Valamuli 5:27

Sisera a to nama mikondoni kwakwe a txiwa, a towa a txi naka-naka; a to nama hagari ka mikondo, a txi wa; ahale a nga nama kona, koneho a fete kona.