Valamuli 5:23 - Bhiblia Yo Sawuleka

²³ Ruketelani Merozi, kuwomba Ngelozi ya Mkoma, ruketelani, ruketelani, vaaki va kona! Nguko, kha vata ku ta lamulela Mkoma, ku ta lamulela Mkoma, kumweko ni tindena.

Valamuli 5:23 Referans Kwoze

2 Vakorinto 6:1

Se athu hi thumisanako ni Txizimu, ha mi khongotela kasi ku mi si amukeli walo kateko ya txona.

1 Vakorinto 16:22

Awu asi randiko Mkoma a nave kurukwani. Maranatha! Ngono, Mkoma!

1 Vakorinto 3:9

Kha ditshuri, athu hi vavhuneteli va Txizimu, anu mi wudimi wa Txizimu, mi Nyumba ya Txizimu.

Varoma 15:18

Nguko nga ni si tsani kuwomba txilo, hahanze ka tile Kristu a nga ti maha ngu ngani, ti to tisa vamatiko kuengisani, ngu mapswi ni mithumo,

Matewu 25:41

Sekoko ngu msana, a na gela ava va txibhabha kwakwe, a txi khene: ‘Hambukani kule ni nani, anu vathu va kurukwa, tsulani mndiloni ko mbi na magwito, awu wu nga longiselwa Sathani ni tingelozi takwe.

Jeremiya 48:10

A ruketetwe wule a mahako mthumo wa Mkoma ngu wukanganyisi! A ruketetwe nene wule asi lekiko kutheketa mnoha ngu ditxhari.

Nehemiya 3:5

Se ngu didhawani kwakwe ku to aka va ka Tekowa; aniko vafumeli vawe kha va wuleta tithamo tawe ka mthumo wa Mkoma wawe.

1 Samuwele 26:19

Konkuwa koko, na ku kombela awe mfumeli nyamne wangu, ti to u engisa mapswi a txithumi txako: Ngako Mkoma a txi kukurumeta ku ni wukela, a na amukele mningelo wa sakudya; kambe ngako i di vanana va vathu va na ruketelwe masoni ka Mkoma; nguko nyamsi vona va ni tutumisile, kasi ku ni si mani txyavelo txa thomba ya Mkoma, va txi kha vona: Tsula, u ya thumela simwani sizimu.

1 Samuwele 25:28

Divalela koko, txithumi txako txa txisikati ka mnandu wuwa, nguko ngu ditshuri Mkoma a na tsanisa nyumba ya nyamne wangu, nguko nyamne wangu a lwa tiyimbi ta Mkoma, kambe kha ku khali kumaneka wubihi kwako ka otshe masiku ako.

1 Samuwele 18:17

Se Sawule a to khene ka Dhavhidha: Wona taku ni na kuninga Merabhe, mwanana wangu wa hombe, kuva msikati wako; tikombe kuva mwanana wa wu ndena dwe, ulwa tiyimbi ta Mkoma (Nguko Sawule a ti ti khene: Dianza dangu di nga mwukele, kambe a na dawe ngu dianza da Vafilista).

1 Samuwele 17:47

Ni wotshe msengeletano wuwa wu na tiziva ti to Mkoma wa hanyisa, na i si nga ngu ditxhari mwendo mseve; nguko kulwa nga Mkoma, se ene a na mi ningela manzani kwathu.

Valamuli 13:3

Se Ngelozi ya Mkoma yi to ti wonekisa ka wu wa wamsikati, yi txi m'gela tiya: “Wona taku u txi fule, khu khali ku va ni vanana; aniko, u na mana txirumbu u txi veleka mwanana wa mfana.”

Valamuli 6:11

Sekoko Ngelozi ya Mkoma, yi to ta yi txi ta zumba hahatshi ka mkusu wu wu ku Ofira ka Jowasi, wa lihunzu la ka Abhiyezeri. Gidhiyoni, mwanana wakwe, a ti ti hula fulaho amu dipipani, kasi ku yi hulukisa ka Vamidhiyani.

Valamuli 4:6

Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

Valamuli 2:1

Se Ngelozi ya Mkoma yi to khukha Giligali yi kwelela Bhokimi, se yi txi kha yona: Ni mi humisile Egipta, ni txi mi tisa ka ditiko di, ni nga xambanya kuninga vatate vanu, ni txi khani: “Kha ni na mbi thuka ni fuvisa txitumelelano txangu ni nanu.

Valamuli 5:13

Sekoko Mkoma a to ni maha ni fuma, txitimwi ka vahombe, hagari ka vathu vale va nga sala; Mkoma a to ni maha ni fuma txitimwi ka tindena.

Valamuli 21:5

Se vanana va ka Israyeli va to kha vona: “I mani ka totshe tihunzu ta ka Israyeli a nga mbi maneka msengeletanoni, masoni ka Mkoma kani?” Nguko ku ti mahilwe txixambanyo txa hombe madingano ni vale va si tiko ka Mkoma kona Misipa, va txi kha vona: Va na fa kha ditshuri.

Valamuli 8:5

Se Gidhiyoni a to gela vavamna va Sukote, a txi kha ene: “Na mi kombela ti to mi txi ha sikhwemu sa mapawu vathu vava ni ku navo, nguko va karate kasi ku hi mana kututumisa Zebha ni Salmuna, vafumeli va Vamidhiyani.”

Valamuli 8:6

Aniko vathangeli va Sukote va to xamula, va txi kha vone: “Ina se ma mtamoni kwako manza a Zebha ni a Salmuna, eko u ku khawe, hi na ninge sakudya dibutho dako da yimbi kani?”

Valamuli 8:8

A di khukhile konaho, a to kwela a txi ya Penuweli, ahawa a nga ya va mahela kona txikombelo txile. Vathu va Penuweli ni vona va mxamute ngu mapswi o fana ni ya vathu va Sukote.

Valamuli 21:8

Se va to kha vona: “Ina waho hagari ka tihunzu ta va ka Israyeli, awu a nga mbi kwela a txi ya ka Mkoma, kona Misipa kani?” Se wona taku ni wammweyo wa lihunzu la Jabhesi-Gileyadhi kha ta wugoveloni ka msengeletano.

Masalmo 94:16

I mani a no ema ni nani hilwa ni siphukuphuku kani? I mani a no ema ni nani hilwa ni vale va mahetelako kubiha kani?