Valamuli 5:22 - Bhiblia Yo Sawuleka

²² Sekoko sitsendo sa mahantxhi si to pfala kukandetela ka sona hahatshi na mahantxhi ma txi tutuma ni vagadhi va ona va mtamo.

Valamuli 5:22 Referans Kwoze

Mika 4:13

Khukha u hula, awe dihorana da Siyoni, nguko ani ni na ku mahela tshoka yako ngu simbi, ni syala sako ngu kopora, u na balisela matiko amangi, se kuxula kwako ku na pfaliswa ka Mkoma, ni thomba yako, ka Nyamne wa mafu otshe.

Jeremiya 47:4

ngu mhaka ya Ditshiku dile di tako da kuxaselwa ka Vafilista, ku ta wila ka Tiro ni Sidhoni, votshe vale va nga ti salela ku va vhikelwa; nguko Mkoma a na hasamula Vafilista vale va nga sala txitondoloni ka Kafitori.

Isaya 5:28

Tingove tawe ti na hinda ngutu, ni malaho awe otshe ma dombilwe; sitsendo sa mahantxhi awe si fana ni marigwi, madangarita a sikotxikani sawe ma fana ni txihuhuri.

Masalmo 33:17

Mahantxhi a yimbi kha ma vhuni m'thu kuxula; ona kha ma hanyisi ngu mtamo wa ona wa hombe.

Masalmo 20:7

Vamwani va themba mimovha yawe ya yimbi vamwani va themba mahantxhi awe; aniko, athu hi themba Mkoma, Txizimu txathu.

Jobe 39:19

Mwendo awe u nga ninga mtamo dihantxhi, mwendo u nga fenengeta mkolo wa dona ngu mthiva kani?

Jeremiya 8:16

Diguwa da mahantxhi akwe di pfala Dhani; mafu otshe ma zinginika ngu kuemba ka ona ka mtamo; nguko va tile ve ta hetisa ditiko ni sotshe si ku ka dona, didhoropa ni votshe va va zumbako ka dona.

Jeremiya 47:3

Ngu mhaka ya diguwa da mahantxhi akwe a mtamo, ni diguwa da sikotxikani sakwe mbimo yile madangarita a kona ma rindilikelako; vaveleki kha va na mbi xayisa vanana vawe, ngu kukarala ka mawoko awe;

Ezekhiyele 27:14

Va ti ti tisa mahantxhi ni vagadhi va ona ka makhalo ako, ngu tinyumbani ka Togarima.