Valamuli 5:19 - Bhiblia Yo Sawuleka

¹⁹ Vafumeli va tile va txi ta lwa, vafumeli Vakanana va lwite ditikoni ka Tahanaki, mabambe ka mati a Megidhu, aniko, kha va teka simaha sa kuhonyola sa silivhela.

Valamuli 5:19 Referans Kwoze

Valamuli 5:30

Va nava va di kuphakelani ka si va nga handa kani? Wamwamna wammweyo, ina kha ningwa dihorana dimwendo mwendo mahorana mambidi, kani? Tinguwo to rungelwa ngu kutshuriselwa, nda Sisera, tinguwo to rungelwa ngu kutshuriselwa to bombisa thamo ya msikati wakwe.

Valamuli 1:27

Hambi Manasi kha tutumisa vaaki va Bheti-Sayami, ni va vamakhalo o fumwa ngu ngene; hambi va a Tahanaki, ni va makhalo o fumwa ngu ngene; hambi vazumbi va Dhori, ni makhalo o fumwa ngu ngene; hambi vazumbi va Ibleyamu, ni va makhalo o fumwa ngu ngene; hambi vazumbi va Megidhu, ni va makhalo o fumwa ngu ngene; se Vakanana va to simama ve zumba ka dona ditiko edo.

1 Vafumeli 4:12

Bhahana, mwana wa Ayiludhi, a ti ni Tahanake, ni Megidhu, ni dotshe da Bheti-Seyani, ku ku hafuhi ni Zaritana, hahatshi ka Jezreyele, kukhukhela Bheti-Seyani kala Abhele-Meyola, kala kambe magwito ka Jokimeyami;

Mtuletelo 19:19

Se ni to wona txikalani txi di tshangani kumweko ni vafumeli va ha mafuni, ni sikwata sawe sa masotxhwa, kasi kutalwa ni m'gadhi wa dihantxhi ni mtxawa wakwe wa masotxhwa.

Masalmo 44:12

U xavisile vathu vako ngu sa kwa mbi nyawula, kambe khwa engetela mtengo wo xavisa ngu wona thomba.

Valamuli 4:13

Se Sisera a to tshanganisa sotshe sikotxikani sakwe sa 900, sa tisimbi, e ramba votshe vathu vakwe va yimbi, kukhukhela Heroseti-wa-vamatiko, kala mlongani ka Kixoni.

Genesisi 14:22

Aniko Abramu a xamute ka mfumeli wa Sodhoma, a txi khene: “Na xambanya ngu kugula dianza dangu masoni ka Txizimu Nyatxitimwi, i ku M'vangi wa nzuma ni mafu,

Genesisi 4:16

Se Kayini a to khukha ngu masoni ka Mkoma, eya zumba ditikoni ka Nodhe, wutxani ka Edheni.

Mtuletelo 16:16

Yona mimoya yi to va tshanganisa ka wukhalo wu, ngu Txihebheru wu dhanwako ku “Armagedhoni.”

2 Vafumeli 23:29

Ka masiku akwe, a to kwela Faro-Neko, mfumeli wa Egipta e lwisa mfumeli wa Asiriya, mnamboni ka Ewufrate; se mfumeli Josiya a to mu hingeta; mbimo yile ene a nga muwona a to m'daya ditikoni ka Megidhu.

2 Makronika 35:22

Kambe Josiya kha tshembereka e wona msana; aniko a to tihunda, a txi yalwa ni Neko; kha engisa mapswi a Neko, ale ma nga huma ngu txisofuni ka Txizimu; a to ta lwa ni Neko mkovani ka Megidho.

Joxuwa 12:21

mfumeli wa Tahanake, mfumeli wa Megidhu;

Joxuwa 17:11

Mu ditikoni ka Isakari ni ka Aseri, Manasi a to ningwa Bheti-Xayani ni madhoropa a kona, Jeblehamu ni madhoropa a kona, vathu va Dhori ni madhoropa a kona, vathu va Tahanake ni madhoropa a kona, ni vathu va Megidhu ni madhoropa a kona; i ku madhoropa a mimango.