Valamuli 5:18 - Bhiblia Yo Sawuleka

¹⁸ Zebhuloni ditiko da vathu vale va si thaviko lifo, kufana ni Naftali, txitimwi ka mimango ya txiwulani.

Valamuli 5:18 Referans Kwoze

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Valamuli 4:6

Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

Mtuletelo 12:11

Kambe vona va mu xute ngu mhaka ya mnoha wa Txinvutana ni ngu mhaka ya dipswi di va ngadi fakazela, nguko kha va khatala ngu wutomi wawe kala kufani.

1 Johani 3:16

Lirando hi li zivisa tiya: Jesu a ningete wutomi wakwe ngu mhaka yathu; se nathu hi fanete kuningela wutomi wathu ngu mhaka ya vanathu.

Mithumo 20:24

Kambe kha ni khatali txilo ngu wutomi, ani ni enelelwa ngu kuhetisa nzila yangu, ngako ni txi sikota kuheta ti ni nga rumwa kumaha tona, ni mthumo wu ni nga vekelwa ngu Mkoma Jesu, kutxhumayela Evhangeli ya kateko ya Txizimu.”

Esteri 4:16

Tsula u ya sengeleta votshe Vajudha vale va manekako Susani, mi titona sakudya ngu mhaka yangu, mi heta masiku mararu mi si dyi txilo hambi kusela wusiku ni mitshikari, se ani ni mahorana angu hi na maha toneto, hi titona sakudya nathu; ngu kumaha keto, ni na tsula kuya wonana ni mfumeli, hambi ku i singako mlayo; aniko ni txi lova, ni na love.

Valamuli 4:14

Sekoko Dhebhora a to khene ka Bharake: Ti lulamisele nguko nyamsi ngu dona ditshiku di Mkoma a no ningela Sisera manzani kwako. Ina Mkoma hi nga ene a thangelako masoni kwako kani? Konaho Bharake a to relela ngu mangoni ka Tabhori ni 10.000 wa vavamna.

Valamuli 6:35

Se Gidhiyoni a to rumela mitumi ka votshe va ka Manasi, yi va dhana va txi ta tshangana kwakwe, kasi kuve mlondeta. A to rumela kambe mitumi ka tinyumba ta ka Aseri, ni ta ka Zebhuloni, ni ta ka Naftali, kasi ku votshe ni vona va txi ta ti patanisa kwakwe.

Masalmo 68:27

Wonani! Masoni kuthangela Bhenjamini, wa lihunzu la lidotho; ngu msana, tinduna ta Judha kumweko ni vathu vawe, va londetelwako ngu tinduna ta Zebhuloni ni ta Naftali.

Genesisi 35:23

Vanana va Leya ngu vava: Matiwula a Jakobe i Rubheni, Simiyoni ni Levhi, Judha, Isakari ni Zebhuloni.

Genesisi 35:25

Vanana va Bhiliha txithumi txa Rakeli ngu vava: Dhani ni Naftali.