Valamuli 5:11 - Bhiblia Yo Sawuleka

¹¹ Engisani diguwa da vale va abanako thomba yo yi mana yimbini, va di ha sisimani ka mati. Va dhumisa mithumo yo lulama ya Mkoma. Mithumo yakwe yo lulama hagari ka va ka Israyeli. Sekoko vathu va Mkoma va ti ya ema ha txikeni ka didhoropa.

Valamuli 5:11 Referans Kwoze

Mika 6:5

Anu vathu vangu, alakanyani makungo a Bhalake, mfumeli wa Mowabhi, ni ti a nga mxamula Bhalahamu, mwana Bheyori, kukhukhela Sitime kala Giligali; kasi ku mi ziva wululamo wa Mkoma.

1 Samuwele 12:7

Konkuwa koko, khukhani mi txi ema hawa, kasiku ni womba-womba ni nanu masoni ka Mkoma, ngu wotshe wululamo wa Mkoma, a nga wu maha kwanu ni ka vatate vanu.

Valamuli 5:8

Va ka Israyeli va to ti sawulela simwani sizimu sasiphya, se koneko yimbi yi to wulela tinyumbani kwawe. Hagari ka 40.000 wa vavamna va va ka Israyeli, ku ti si nga ho ni wammweyo a nga ti ñote txitxhavangu mwendo ditxhari.

Sidilo 5:9

Hagari ka phango ya wutomi wathu, hi na tisa sakudya, nguko txiwulani ku ni sigevenga.

Sidilo 5:4

Mati athu hi mamana ngu kuxava, hambi tikhuni hi ti mana ngu male.

Jeremiya 7:2

Ema ha txikeni ka Nyumba ya Mkoma, na u txi peka nyiwo eho ngu mhaka yiya, u txi khawe: Engisani mhaka ya Mkoma, anu motshenu va ka Judha, mi wulelako ngu sike siya ku ta khozela Mkoma.

Isaya 28:6

Kambe ku nava ni moya wa wululamo, ka wule a khalahatshako e lamula, ni mtamo ka vale va tshumetako yimbi ngu msana, kala ha txikeni.

Isaya 12:3

Se anu, ngu kutsaka, mi na reka mati ka sisima sa kuhanyisa.

Jobe 29:7

mbimo yile ni nga ti ti huma ngu txike txa didhoropa, ni txi rumisa taku ve ni vekela txitulu txangu.

Dhewuteronome 22:24

sekoko ngu wumbidi wawe, va na yiswa ha txikeni ka didhoropa, va txi ya baliselwa ngu marigwi, kala va txi fa; nguko dihorana kha da peka huwa, di kombela kulamulelwa, ni wule wa dijaha nguko a bihisile muwutwa wa muakelani wakwe. Ngu toneto, u na fuvisa wubihi hagari kwanu.

Masalmo 145:7

Vathu va na nuwela ngutu wudhumo wa wunene wako wa hombe kambe va na embelela wululamo kwako.

Genesisi 24:11

Awule wa txithumi a to khizamisa makamelu, me humula hahanze ka didhoropa, hafuhi ni txisima, ni minova, ka mbimo yi vavasikati va humako va txi ya reka mati.

Genesisi 29:2

A to wona txisima libalani, hafuhi ka txona ku di mbambamete mitxhambi yiraru ya tinvuta; i ti ti ka txisima txonetxo va nga ti ti reka mati a kuninga mitxhambi yawe, yi txi sela. Dirigwi di va nga txi fenengeta ngu dona txisima i ti da hombe.

Genesisi 29:3

Yi ti ti manana koneho yotshe mitxhambi, vadyisi va ti ti vhunungula dirigwi, va txi di thavisa ha txisofuni ka txisima, va txi rekelela mati a kuninga mitxhambi, yi sela, se ngu msana ve tshumela va txi di wuyisa ha wukhaloni ka dona.

Dhewuteronome 33:21

Ene a ti sawulete didhawa do khata, awu i nga ti txyavelo txa vasungi va milayo. Ngene a tsimbilako ni vathangeli va vathu, awu a mahako kululama masoni ka Mkoma, ni sileleto sakwe ka va ka Israyeli!

Valamuli 11:40

Kukhukhela konako ku to tumbuluka mkhuwo ka va ka Israyeli, wa ti to dilembe ni dilembe, timbiri ta ka Israyeli ti huma amu ka mune wa masiku, ti txi ya saluka mwanana wa Jefta wa dihorana, mugileyadhi.

Masalmo 71:15

Dotshe ditshiku ni na huwelela ti to u hi hanyisile ni na xawutela mithumo yako ya kululama,