Valamuli 4:7 - Bhiblia Yo Sawuleka

⁷ Se Sisera, mthangeli wa dibutho da Jabhini ni na mndindela kwako, kumweko ni sikotxikani sa kona, ni dibutho da kona, txinambwanani ka Kixoni, kambe ni txi mningela manzani kwako.”

Valamuli 4:7 Referans Kwoze

1 Vafumeli 18:40

Se Elija a to khene: Ñolelani votshe vaprofeti va Bhahali, ku nga huluke ni wammweyo wawe. Va to va ñolela; se Elija a to va maha ve kwitima txinambwanani ka Kixoni, va txi ya va daya kona.

Valamuli 5:21

Txinambwana txa Kixoni txi va kukuletile, mnambo wule wa kale, mnambo wa Kixoni. Awe moya wangu, tsimbila u di tsani!

1 Samuwele 24:18

Nyamsi awe wu ni kombile wumbilu wu wu ku nawo ni nani; nguko Mkoma a ti ni ningete manzani kwako, kambe awe khu ya ni daya.

1 Samuwele 24:10

Nyamsi u ti woni upune ti to Mkoma a ku ningete manzani kwangu ka diphala diya, vamwani va ni kuzetete ti to ni kudaya; kambe ni ku divalete, nguko ni ti khani: Kha ni na mbi nawuluta diwoko dangu ni wukela nyamne wangu, nguko mbo totwa wa Mkoma.

Valamuli 4:14

Sekoko Dhebhora a to khene ka Bharake: Ti lulamisele nguko nyamsi ngu dona ditshiku di Mkoma a no ningela Sisera manzani kwako. Ina Mkoma hi nga ene a thangelako masoni kwako kani? Konaho Bharake a to relela ngu mangoni ka Tabhori ni 10.000 wa vavamna.

Joxuwa 10:8

Se Mkoma a to khene ka Joxuwa: “U nga va thave: Ani ni va ningete manzani kwako, ni wammweyo hagari kwawe kha na mbi emeka masoni kwako.”

Joxuwa 8:7

Sekoko anu mi na huma ngu kubaramani, mi txi teka didhoropa; nguko Mkoma, Txizimu txanu, a na di ningela manzani kwanu.

Eksodha 21:13

kambe ngako a ti m'date ngu phango, na Txizimu i di txona txi nga mningela manzani kwakwe, ani ni na kukomba wukhalo wu a fanelako kuthavela ka wona.

Eksodha 14:4

Ani ni na maha ti to Faro a txi bangisa mbilu yakwe, se ene a na mi tutumela, kambe ani ni na komba mtamo wangu ni txi m'wukela ene kumweko ni dibutho dakwe da yimbi: Vaegipta va na tiziva ti to ani ngani Mkoma.” Se va ka Israyeli va to maha toneto.

Joxuwa 11:20

Nguko Mkoma ngene a nga bangisa timbilu ta vathu vale, ti to ve huma va txi yalwa ni Israyeli, kasi ku a txi va lovisa do gwita, asi va tsetsi, aniko e va lovisa votshe, nga tile Mkoma a nga leleta ka Mosi.

Joxuwa 11:6

Se Mkoma a to khene ka Joxuwa: “U nga thave masoni kwawe, nguko mangwana, ka yona yiya mbimo, ani ni nata va ningela votshe va txi dawa masoni ka Israyeli; u nata wilela misiha ya mahantxhi awe, kambe u nata hisetela sikotxikani sawe.”

Valamuli 4:8

Sekoko Bharake a mxamute ku khene: “Ngako u txi tsula ni nani, ni na tsula; aniko ngako u si tsuli ni nani, na mbi tsula.”

Eksodha 14:8

Mkoma a to bangisa mbilu ya Faro, mfumeli wa Egipta, se ene a to londeta vanana va ka Israyeli, mbimo yi vona va nga ti huma ngu diwoko da wundena.

Eksodha 14:17

Ani ni na bangisa timbilu ta Vaegipta kasiku va txi mi londeta, kambe ni na dhumiswa ka Faro ni ka yimbi yakwe yotshe, ka sikotxikani sakwe ni ka vagadhi vakwe va mahantxhi.