Valamuli 4:6 - Bhiblia Yo Sawuleka

⁶ Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

Valamuli 4:6 Referans Kwoze

Vahebheru 11:32

Nji txani kambe ni fanelako kuwomba, kani? Nguko mbimo, nga yi si dingani ti to ni womba mahungu ngu ta Gidhiyoni, ni Bharake, ni Samusoni, ni Jafete, ni Dhavhidha, ni Samuwele, ni vaprofeti.

Mithumo 13:47

Nguko Mkoma a hi rumisile toneto, a txi khene: ‘Ni kuvekile kuva liwoningo ka vamatiko, kasi ku uva wo hanyisa kala magwito ka mafu.’ ”

Valamuli 8:18

Msana ka tona eto Gidhiyoni a to womba ka Zebha ni ka Salmuna, a txi khene: “I ti vo txani vathu vale mi nga dayela vona Tabhori, kani?” Va to mxamula va txi kha vona: “Va ti ti fana ni nawe mmwani ni mmwani a ti ti fana ni mwanana wa mfumeli.”

Joxuwa 19:37

Kedhesi, Edreyi ni Ene-Hazori,

Hoseya 5:1

Engisani tiya anu vaphaxeli, engisani anu va nyumba ya ka Israyeli, engisani anu va nyumba ya mfumeli, nguko kulamula kuwa kulumba anu, wonani taku mi mahile mlawu ka Misipa, ni likoka lo gwimbwa txitimwi ka Tabhori.

Jeremiya 46:18

Na xambanya ngu kuhanya kwangu, kuwomba Mkoma, awu i ku Mkoma wa Mabutho a Tiyimbi, awuwa ngu ditshuri nga Tabhori hagari ka mimango, ni ku nga Karmeli hafuhi ni linene, a na tisa ku nga toneto.

Masalmo 89:12

U vangile Wuphemba ni Wulambwe; mimango ya Tabhori ni Hermoni ya embelela ditina dako.

Masalmo 7:6

Khukha u txi ema, ngu kuhenya kwako, Mkoma, u txi ni vhikela ka tshofu ya valala vangu. Wuka, Txizimu txangu, u txi womba awu a ku ni mnandu.

1 Samuwele 10:3

Se mbimo yi u no pinda hale uya masoni, u ya hoka mkusuni ka Tabhori, koneyo u na ya tshangana ni vavamna vararu, va kwelelako veya Bheteli ka Txizimu: Mmweyo a di rwate tiphongo tiraru, mmwani a di rwate simbwanda siraru, se wa wuraru a ti rwate msava wa vhinya.

Valamuli 5:1

Se ka dona ditshiku dile, Dhebhora ni Bharake, mwana Abhinowami, va to embelela ndando va txi kha vona:

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Joxuwa 21:32

Ka lihunzu la ka Naftali, kuhumile Kadhesi wa Galileya ni wudyiselo wa kona, kasi kumaha didhoropa da wuthavelo ka vale va dayako m'thu; Hamati-Dhora ni wudyiselo wa kona, ni Karitani ni wudyiselo wa kona: Madhoropa mararu.

Joxuwa 19:32

Ka vanana va ka Naftali ku humelete txyavelo txa wutxhanu ni tximwetxo, ka vanana va ka Naftali, madingano ni timwaya tawe.

Joxuwa 1:9

Ina kha na kugela ani kani? Tsana uva ni mtamo; u nga xamale, kambe u nga thave, nguko Mkoma, Txizimu txako, a ni nawe, ni hani mu uyako kona.”

Joxuwa 19:22

Muhingano wu ti ti hoka Tabhori, Xakazima ni Bheti-Xamexe, se muhingano wu tsimbila kala Jordhani, i ku digumi da madhoropa ni dimwedo ni miti ya kona.

Valamuli 6:35

Se Gidhiyoni a to rumela mitumi ka votshe va ka Manasi, yi va dhana va txi ta tshangana kwakwe, kasi kuve mlondeta. A to rumela kambe mitumi ka tinyumba ta ka Aseri, ni ta ka Zebhuloni, ni ta ka Naftali, kasi ku votshe ni vona va txi ta ti patanisa kwakwe.

1 Samuwele 12:11

Se Mkoma a to rumela Jerubhahali ni Bhedhani, ni Jefite, ni Samuwele e mi txhatxhisa manzani ka valala vanu vale va nga mi randela, se mi zumba mi di tsani.

Joxuwa 19:35

Madhoropa a mikhokhola ngu awa: Sidhime, ni Zera, ni Hamati, ni Rakati, ni Kineroti,

Masalmo 89:13

Diwoko dako di ni mtamo, dianza dako di tsani, dianza dako da txinene di ni wurena!