Valamuli 4:23 - Bhiblia Yo Sawuleka

²³ Txizimu txi khozisile Jabhini, mfumeli wa Kanana, masoni ka vanana va ka Israyeli.

Valamuli 4:23 Referans Kwoze

Masalmo 18:47

Txizimu ngu txona txi ni ningako mtamo wa kuxula, ngu txona txi ni khoziselako matiko, txi ma veka mtamoni kwangu

Nehemiya 9:24

Ngu kumaha keto, vanana vawe va to wulela ka dona ve di teka; se u wisile hahatshi masoni kwawe, vahanyi va ditiko dile, i ku Vakanana, u va ningela manzani kwawe, ni vafumeli, ni vathu va ditiko, kasi ku va Israyeli va na maha kuranda kwawe ngu vona.

Vahebheru 11:33

Vona, ngu likholo, va xute matiko, va lamute ngu kululama, va mani asi va nga ti thembisilwe sona, va vhate sisofu sa tingonyamo,

1 Vakorinto 15:28

Msana ka kuva sotshe si di vekilwe hahatshi ka mikondo yakwe, ngu konaho kambe nene Mwanana a na ti veka hahatshi ka wule a nga mninga mtamo wa kufuma sotshe, kasiku Txizimu txi txi va i di sotshe ka votshelele.

Masalmo 81:14

Nga ni di wisile tingana valala vakwe, nga ni di tsayisile avale va mu lwisako.

Masalmo 47:3

Mkoma a khozisile vamatiko, e va veka hahatshi ka mfumo wathu a txi nonisa mifumo hahatshi ka mikondo yathu.

Masalmo 18:39

Awe u ni ningile mtamo wa kulwa; u khozisile valala vangu masoni kwangu.

1 Makronika 22:18

Ina Mkoma Txizimu txanu kha nga ni nanu, niku kha mi ninga kuhumula ka otshe madhawa kani? Nguko a ningete manzani kwangu vazumbi va ditiko; se ditiko di hahatshi ka Mkoma ni ka vathu vakwe.

Valamuli 4:22

Konako ku to humelela Bharake a txi londisa Sisera. Jayeli a to huma a txi m'hingeta a txi m'gela tiya: Ngono ni ta kukomba wamwamna wu u mlavako. Ene a to ta kwakwe, e ta wona ti to Sisera a fite, ni txikhongwani txi nga gogotelwa hambanza kwakwe.

Valamuli 4:24

Vanana va ka Israyeli va to simama va txi lwa ni Jabhini, mfumeli wa Kanana ditshiku ni ditshiku veza ve mfuvisa.