Valamuli 4:21 - Bhiblia Yo Sawuleka

²¹ Aniko Jayeli, msikati wa Hebheri, a to dula txikhongwani txa ditenda, a txa teka hamela, e tshuketa hafuhi ngu kumbzingamela, e txi gogotela hambanza ka Sisera, txi txi dhoda kala txi zima hahatshi ha mafuni. Nguko ene a ti ti otete wukohe wa hombe, ngu kukarala, a so fisa toneto.

Valamuli 4:21 Referans Kwoze

1 Vakorinto 1:27

Aniko atxile vathu va txi wonako i di txipumbu, Txizimu txi txi sawute kasi kuthela mphume vazivi; atxile i ku txa ku ambi banga ha ditikoni, Txizimu txi txi sawute kasi kuwisa tingana awule a ku ni mtamo.

Masalmo 3:7

Ngono, Mkoma, Txizimu txangu, u ta ni hulukisa, awe u pekako valala vangu mathamani awe u khunulako makwasa a va vakubiha.

Valamuli 3:21

Sekoko Ewudhi a to nawuluta dianza dakwe da txibhabha, e teka ditxhari di nga ti ti ka nyonga yakwe ya txinene, a txi mthola ngu dona hamrumbu,

1 Vakorinto 1:19

nguko ti bhatwe, va txi kha vona: “Ni na vhinganyisa wutxhari wa titxhari, ni txi xowokisa wuzivi wa sizivi.”

1 Samuwele 17:43

A to khene koko, Mufilista ka Dhavhidha: Ina ani no va yimbwa, aku u ni telako ni tindonga kani? Se Mufilista a to ruketela Dhavhidha ngu sizimu sawe.

Valamuli 15:15

Se a to mana lixaya lo nakana la mbongola, e nawuluta dianza dakwe, a txi li rola, e daya ngu lona 1.000 wa vavamna.

Valamuli 3:31

Msana ka Ewudhi ku to londeta Samigari, mwana Anate, a nga daya 600 wa vavamna va Vafilista, ngu tshoka ya simbi yo gola ngu yona tihomu; kambe a txhatxhisile Israyeli.

Valamuli 4:9

Se Dhebhora a to khene: “Kha ditshuri, ni na tsula ni nawe, aniko nduma kha yi na mbi va yako ka nzila yi u yi tekako; nguko Mkoma a na ningela Sisera manzani ka wamsikati.” Se Dhebhora a to khukha e tsula ni Bharake, va txi ya Kedhesi.

Valamuli 4:20

Se Sisera a m'gete a txi khene: Ema ha txikeni ka ditenda, se ngako ku txi ta m'thu a txi ta ku wotisa a txi khene: Waho m'thu wokari hawa kani? U na xamula u txi khawe ahim-him.

Valamuli 4:22

Konako ku to humelela Bharake a txi londisa Sisera. Jayeli a to huma a txi m'hingeta a txi m'gela tiya: Ngono ni ta kukomba wamwamna wu u mlavako. Ene a to ta kwakwe, e ta wona ti to Sisera a fite, ni txikhongwani txi nga gogotelwa hambanza kwakwe.