Valamuli 4:17 - Bhiblia Yo Sawuleka

¹⁷ Sisera a to thava a txi tutuma ngu mikondo, a txi ya ditendani ka Jayeli, msikati wa Hebheri, mkeni, nguko ku ti ti ho kudikha hagari ka Jabhini mfumeli wa Hazori, ni nyumba ya ka Hebheri, mkeni.

Valamuli 4:17 Referans Kwoze

Isaya 57:21

Vabihi kha va nga ni kudikha, kuwomba Txizimu txangu.

Masalmo 69:22

Mibuso yakwe yi na hinduke yi maha milawu, yi txi daya ene ni vale a nga va ramba.

Mavingu 29:23

Kutikulisa ka m'thu ku na m'dayisisa, kambe awule a ku ni moya wo ti veka hahatshi, a na mana kudhundeka.

Masalmo 107:40

Aniko Txizimu txi nyenya vaxanisi txi va pengapengisa txiwulani ko mbi na tinzila.

Valamuli 5:24

Jayeli, a katekile hagari ka vavasikati, ene msikati wa Hebheri, mkeni. Ene a katekile hagari ka vavasikati, vale va zumbako matendani kwakwe!

Valamuli 5:6

Ka masiku a Samigari, mwana Anate ka masiku a Jayeli, tinzila ti ti mahile mapfhela, vatsimbili va ti ti tsimbila ngu tinzila to gombonyeka.

Valamuli 4:16

Bharake a to tutumisa vathu va yimbi kala Heroseti-wa-vamatiko. Dotshe dibutho da yimbi da Sisera di to xulwa, di txi khoziswa ngu ditxhari, ni wammweyo asi huluki.

Valamuli 4:18

Jayeli a to huma a txi hingeta Sisera, a txi khene kwakwe: “Wulela nyamne wangu u nga thave, zumba kumweko ni nani!” Sisera a to wulela ditendani kumweko nayo, se Jayeli a to mfenengeta ngu didhamba.

Amosi 2:16

Ditshiku da kona hambi ndena yi yi ku ni txixinya ka totshe, yi na tutuma i di tximbwiri, kuwomba Mkoma.