Valamuli 4:15 - Bhiblia Yo Sawuleka

¹⁵ Mkoma a to hangalasa Sisera ni sotshe sikotxikani sakwe, ni votshe vathu vakwe va yimbi masoni ka Bharake. Sisera a to ndaka a txi jatama ngu ka txikotxikani txakwe, e tutuma ngu mikondo.

Valamuli 4:15 Referans Kwoze

Joxuwa 10:10

Se Mkoma a to va vhinganyisa masoni ka va ka Israyeli, se va ka Israyeli va to va peka va txi va khozisa, hafuhi ka Gibheyoni, va txi va girimusa ngu nzila ya kuya Bheti-Horoni, va txi va khozisa kala kuhoka Azeka ni Makedha.

Vahebheru 11:32

Nji txani kambe ni fanelako kuwomba, kani? Nguko mbimo, nga yi si dingani ti to ni womba mahungu ngu ta Gidhiyoni, ni Bharake, ni Samusoni, ni Jafete, ni Dhavhidha, ni Samuwele, ni vaprofeti.

2 Vafumeli 7:6

Nguko Mkoma a to maha ti to Vasiriya ve pfa diguwa da sikotxikani ni mahantxhi, ku nga ova diguwa da dibutho da hombe; veza va txi kha vona hagari kwawe: Hi nga wonani mfumeli wa ka Israyeli, a ti ya xava vafumeli va Vaheti ni va Vaegipta, ku ta hi lwisa.

Dhewuteronome 7:23

Se Mkoma, a na ma ningela manzani kwako: Ona ma nava ni pfilu-pfilu ya dizowa, kala me loviswa.

1 Samuwele 7:10

Se ku to maheka taku, ngako Samuwele a txi ngadi e maha mningelo wa kuhiswa, Vafilista va to bwaka ve ta lwa ni va ka Israyeli; se ka ditshiku dile, Mkoma a to dhinda ngu kudhinda ka hombe txitimwi ka Vafilista, e va vhinganyisa ha koza ve xulwa masoni ka vanana va ka Israyeli.