Valamuli 4:14 - Bhiblia Yo Sawuleka

¹⁴ Sekoko Dhebhora a to khene ka Bharake: Ti lulamisele nguko nyamsi ngu dona ditshiku di Mkoma a no ningela Sisera manzani kwako. Ina Mkoma hi nga ene a thangelako masoni kwako kani? Konaho Bharake a to relela ngu mangoni ka Tabhori ni 10.000 wa vavamna.

Valamuli 4:14 Referans Kwoze

2 Samuwele 5:24

Se mbimo yi u no pfa sigingi sa mikondo amu ka mazokoro a mimora, sekoko u na huma ngu kukuluveta; nguko Mkoma a na va a di thangete masoni kwako, kasi kuya dayela wugovelo wa Vafilista.

Dhewuteronome 9:3

Ngu toneto, ti zive nyamsi ti to Mkoma, Txizimu txako, ngene a no thangela masoni kwako, kufana ni mndilo wo hisa; ngene a no lovisa ni ku va fuvisa masoni kwako. Sekoko awe u na va hinga, u txi va fuvisa, nga ti Mkoma, a nga womba.

Isaya 52:12

Nguko kha mi na mbi huma ngu kukuluveta, hambi kutsula ngu kututuma, nguko Mkoma a na thangela masoni kwanu, se Txizimu txa Israyeli, txi na mi londeta ngu msana.

Mika 2:13

Mkombi wa nzila a na thangela masoni kwawe; Vona va na phim, se ve wulela ngu txike, ve tshumela ve huma ngu txona; se mfumeli a na thangela masoni kwawe, kambe Mkoma a na va ha mbanza kwawe.

1 Samuwele 9:26

Se va to wuka ngu mabimbi-kutxa; kambe ku to maheka tito, hafuhi ni kugwimba ka wuronga, Samuwele a to dhana Sawule a di txitimwi ka nyumba, a txi khene: Wuka hi satisana. Se Sawule a to wuka, ve huma hahanze ngu wumbidi wawe, ene ni Samuwele.

Valamuli 19:28

Se ene a to m'gela ku kha ene: “Khukha hi txi tsula.” Aniko wamsikati kha xamula txilo. Sekoko a to m'veka txitimwi ka mbongola, se a txi khukha wule wa dijaha e tsula m'tini kwakwe.

Joxuwa 7:13

Khukha u txi ya sawulekisa vathu, u txi khawe kwawe: Ti sawulekiseleni ditshiku da mangwana, nguko Mkoma, Txizimu txa Israyeli, a womba tiya: Kurukwa kuho hagari kwanu va ka Israyeli; kha mi na mbi sikota kutsana masoni ka valala vanu, kala kuza mi txi thavisa txiruko hagari kwanu.

Genesisi 44:4

Vona i di ngadi kwawe kuhuma didhoropani, kambe va sinzi kuhoka kule, Josefa a to gela mxayisi wa nyumba yakwe, a txi khene: “Khukha! Tutuma u txi londisa vathu vale; ngako u txi va mana, va gele ku khawe: Ngu kutxani mi txi tshumetela wunene ngu wubihi kani?”

Genesisi 19:14

Sekoko Loti a to ya khene ka majaha ale ma nga txi lava kuteka mahorana akwe: “Khukhani, humani ka wukhalo wuwa. Nguko Mkoma a lava kuhaxula didhoropa.” Kambe atiya ti to wombwa vakanganyisi.

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Joxuwa 10:8

Se Mkoma a to khene ka Joxuwa: “U nga va thave: Ani ni va ningete manzani kwako, ni wammweyo hagari kwawe kha na mbi emeka masoni kwako.”

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.