Valamuli 4:11 - Bhiblia Yo Sawuleka

¹¹ Se Hebheri, mkeni, a ti ti hambanisile ni Vakeni-kulowe, i ku vanana va Hobhabhe, tate wa Mosi ngu ka msikati wakwe, kambe a ti ti gwimbile matenda akwe, kala mkusuni ka Zahananimi, hafuhi ni Kedhesi.

Valamuli 4:11 Referans Kwoze

Valamuli 1:16

Se ni vona vanana va ka Hobhabhe, Mkeni, wu i nga ti tate wa Mosi ngu ka msikati wakwe, va to khukha ngu didhoropani ka Mitxhese, kumweko ni vanana va ka Judha, veya txiwulani ka Judha, ku ku wulambwe ka Aradhi; va txi ya zumba ni vathu va kona.

Joxuwa 19:33

Muhingano wawe wu khukhela Helefi ni kukhukhela ka Zahananime, wu pinda ngu Adhame, Nekebhi ni Jabhinaheli, kala Lakumu, wu txi ya gwitela mnamboni ka Jordhani.

Mitengo 10:29

Sekoko Mosi a to khene ka Hobhabhe, mwana Reweli, mmidhiyani, tate wa Mosi ngu ka msikati wakwe: “Athu hiya ka wukhalo wule Mkoma a nga khene: Ni na mi ninga; a hi tsule hotshe, athu hi na kuxayisa kha kwati; nguko Mkoma a thembisile kumaha wunene ka Israyeli.”

Joxuwa 19:37

Kedhesi, Edreyi ni Ene-Hazori,

Eksodha 3:1

Mosi a ti ti dyisa mtxhambi wa tinvuta ta Jetro, msade wakwe, mphaxeli wa Midhiyani. A to gola mtxhambi wa tinvuta e ti yisa txiwulani, aha a nga ya hoka Horebhi mmangoni ka Txizimu.

Valamuli 4:6

Se a to rumela kuya dhana Bharake, mwana Abhinowami, wa Kedhesi ka va ka Naftali, a txi m'gela ku khene: “Ina Mkoma, Txizimu txa ka Israyeli, kha kuruma a txi khene: Tsula u ya sengeleta vathu mmangoni ka Tabhori, kambe teka 10.000 wa vavamna, hagari ka vanana va ka Naftali ni vanana va ka Zebhuloni kani?

Mitengo 24:21

Se mbimo yile Bhalahamu a nga wona Vakeni, a to thula yimwani ndando a txi khene: Nyumba yako yi tsani awe Keni, ni txisaka txako txi akilwe ha dirigwini.

Eksodha 18:1

Jetro, mphaxeli wa Midhiyani, msade wa Mosi, a to engisa totshe ti Txizimu txi nga maha ka Mosi ni ka Israyeli, i ku vathu va txona; ngako Mkoma a nga ti humisile Israyeli ngu Egipta.

Eksodha 2:18

Vona va to tshumela ve tsula ka tate wawe, awu a nga ya va wotisa, a txi khene: “Ngu kutxani nyamsi mi kuluveta kuwuya kani?”

Valamuli 4:12

Va to womba va txi zivisa Sisera, va txi kha vona: Bharake mwana Abhinowami, a kwete mmangoni ka Tabhori.

1 Samuwele 15:6

Se Sawule a to khene ka Vakeni: Tsulani, khukhani, mi huma hagari ka Vaamaleki, kasiku mi si xaselwi kumweko navo, nguko anu mi kombisile wumbilu ka votshe vanana va ka Israyeli, mbimo yile va nga ti wuya ngu Egipta. Ngu kumaha keto, Vakeni va to khukha hagari ka Vaamaleki.

1 Samuwele 27:10

A txi khene kha Akisi: Mi xasete hani nyamsi kani? Dhavhidha a ti ti khene: Hi xasete Wulambe ka Judha, ni Wulambe ka Vajerameli, ni Wulambwe ka Vakeni.

Mitengo 10:32

Se ngako awe u txi tsula ni nathu, ati ta tinene Mkoma a no ti maha kwathu, nanathu hi na ku mahela.