Valamuli 3:9 - Bhiblia Yo Sawuleka

⁹ Se vanana va ka Israyeli va to peka huwa ka Mkoma, se Mkoma a to wusa mtxhatxhisi ka vanana va ka Israyeli, ene a to va txhatxhisa: I ku Otoniyeli, mwana Kenazi, mnanda wa Kalebhi.

Valamuli 3:9 Referans Kwoze

Valamuli 3:15

Sekoko vanana va ka Israyeli va to peka huwa ka Mkoma, se Mkoma a to va wusela mtxhatxhisi, i ku Ewudhi, mwana Gera, wa ka Bhenjamini, wamwamna wa libhabha. Se vanana va ka Israyeli va to rumela txiningo ngu dianza da Ewudhi ka Egloni, mfumeli wa Vamowabhi.

Valamuli 1:13

Se Otoniyeli, mwana Kenazi, mnanda wa Kalebhi, a to di teka; aniko Kalebhi to mninga Akisa mwanana wakwe wa dihorana, a txi maha msikati wakwe.

Valamuli 10:10

Sekoko vanana va ka Israyeli va to peka huwa ka Mkoma, va txi kha vona: “Hi kuonhete, nguko hi tshuralete Txizimu txathu, hi thumela va ka Bhahali.”

Valamuli 6:7

Se ngako vanana va ka Israyeli va di dite ka Mkoma, ngu mhaka ya Vamidhiyani,

Masalmo 22:5

Va kombete txivhuno kwako, se ve huluka ka phango; awe va ku thembile, kambe kha va wiswa tingana.

Valamuli 4:3

Sekoko vanana va ka Israyeli va to peka huwa ka Mkoma, nguko Jabhini a ti ti ni 900 wa sikotxikani sa tisimbi, kambe a xuphile vanana va ka Israyeli mndani ka magumi mambidi a malembe.

Valamuli 2:16

Se Mkoma a to va wusela valamuli, ava va nga va hulukisa manzani ka vale va nga ti ti va handa.

Masalmo 78:34

Ngu kuwona vava Txizimu txi nga va tsayisa ngu lifo, vamwani va ti txi lava txona Txizimu; va ti tshumelela ka txona, va txi txi lava va si karali.

Nehemiya 9:27

Ngu toneto, u va ningete manzani ka valala vawe ve va xanisa; kambe ka mbimo ya kuxaniseka kwawe, va pekile huwa kwako, awe u to engisa u di nzumani; se ngu mhaka ya wumbilu wako wa hombe, u va ningile vatxhatxhisi, va va nga va txhatxhisa manzani ka vaxanisi vawe.

1 Samuwele 12:10

Se va to dila ka Mkoma va txi kha vona: “Hi onhile, nguko hi lekile Mkoma, se hi ya thumela va ka bhahali ni va astarote; konkuwa koko, hi txhatxhise manzani ka valala vathu, hi na kuthumela.”

Joxuwa 15:17

Sekoko Otoniyeli, mwana Kenazi, mwanawe Kalebhi, a to mteka, se Kalebhi a to mninga Akisa, mwanana wakwe, a txi va msikati wakwe.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Valamuli 2:18

Se mbimo yile Mkoma a nga ti ti va wusela valamuli, Mkoma a ti ti ema ni mlamuli, a txi va hulukisa manzani ka valala vawe, ka otshe masiku a mlamuliyo; nguko Mkoma a ti ti ti laya ngu tihuwa tawe, ngu mhaka ya vale va nga ti ti va xupha, ni ku va xanisa.