Valamuli 3:7 - Bhiblia Yo Sawuleka

⁷ Se vanana va ka Israyeli va to maha kubiha masoni ka Mkoma, ve divala Mkoma, Txizimu txawe, aniko ve thumela Vabhahali ni Asterote.

Valamuli 3:7 Referans Kwoze

Eksodha 34:13

Mi na khungumula siluvelo sawe, mi txi fayetela sithombe sawe, ni ku sakata sipopo sawe, amu va khongelako kona Aseri.

2 Vafumeli 23:6

Kambe a to thavisa txifananiso txo vatwa Nyumbani ka Mkoma eya txi tshotsha hahanze ka Jerusalema, txinambwanani ka Kedroni, e txi hisa hafuhi ni txinambwana txa Kedroni, txi maha dikhuma, se a to xwayela dikhuma da kona txitimwi ka mathitha a vanana va vathu va ditiko dile.

2 Makronika 33:19

Se mkombelo wakwe, ni ti Txizimu txi nga wu amukelisa tona, ni sotshe sionho sakwe, ni wubihi wakwe, ni makhalo o guleka ale a nga aka e veka ni sithombe sawe so vatwa, na a sanzi kutiveka hahatshi, wonani ti to totshe ti bhatwe ka mabhuku a vahuti.

2 Makronika 33:3

Nguko a to tshumela e aketeta makhalo o guleka ale ma nga ti khundumusilwe ngu tate wakwe Ezekhiya, a to akela siluvelo Bhahali, e maha sipopo so khongela ka sona, e khizamela sotshe siphatiphati sa nzumani e si thumela.

2 Makronika 24:18

Va to leka Nyumba ya Mkoma, Txizimu txa vatate vawe, veya khozela sithombe so vatwa ni sizimu simwani sawe. Se ngu mhakeyo Mkoma a to henyela va ka Judha ni va Jerusalema.

2 Makronika 15:16

Ahawa ko hambi mwamwakwe Mahaka, a to mthavisa kuva asi mahi mfumeli wa txisikati, nguko a di mahete Aseri, txithombe txo nyenyeza ngutu; Asa nene a thavisile txithombe txakwe, eya txi hisa hafuhi ni txinambwana txa Kedroni.

2 Vafumeli 23:14

Ngu kufana a to faya sithombe, e gangela sifananiso, e tata wukhalo wa kona ngu marambu a vathu.

1 Vafumeli 18:19

Ngu toneto, gela votshe vathu va ka Israyeli ve tshangana ni nani mmangoni ka Karmeli, kumweko ni 450 wa vaprofeti va Bhahali, ni 400 wa vaprofeti va Aseri, va dyiswako ngu mfumeli wa txisikati Jezabheli.

1 Vafumeli 16:33

Kambe Akabe a to vata sithombe, a mahisileto ngu kulava kuhenyisa Mkoma, Txizimu txa Israyeli, kupinda votshe vafumeli va Israyeli vo khata.

Valamuli 6:25

Se ka wona ewo wusiku Mkoma a gete Gidhiyoni a txi kha ene: “Teka didhuna da tate wako adile i ku didhuna, da mtxhanu wa malembe, u txi khundumusa txiluvelo txa Bhahali, atxile txi lumbako tate wako, u txi khundumusa kambe txithombe txa Aseri, atxi txi ku hafuhi ka kona.

Valamuli 3:12

Hambi keto, vanana va ka Israyeli va to engeta kumahetela kubiha masoni ka Mkoma; sekoko Mkoma a to ninga mtamo ka Egloni, mfumeli wa Mowabhi, wo wukela va ka Israyeli, nguko va nga maha kubiha masoni ka Mkoma.

Dhewuteronome 16:21

U nga phaye mindonga yo phaxela ka yona, hafuhi ni txiluvelo txi u no akela Mkoma, Txizimu txako.

Dhewuteronome 4:9

Kambe ti wonele, awe upune, u txi xayisa ngutu moya wako, kasi u si divali tosthe ti maso ako ma nga ti wona, ti si thuki ti huma mbiluni kwako, ni ka dihi ditshiku da kotshe kuhanya kwako. Ti gondise ka vanana vako ni ka vatukulu vako.

2 Makronika 34:7

A to khundumusela siluvelo a txi wilela ni tiphande ni sithombe so vatwa, kala kuza si txi maha lithulu, atxi wilela sotshe sithombe sa ditambo ka ditiko dotshe da ka Israyeli sekoko, e tshumelela Jerusalema.

2 Makronika 34:3

Ngu dilembe da wutxhanu ni mararu, da kufuma ka Josiya, i di ngadi dizambi, e khata kulava Txizimu txa Dhavhidha tate wakwe; se ngu dilembe da wugumi ni mambidi a to khata kubasisa ditiko da va ka Judha ni Jerusalema a txi thavisela makhalo awe o guleka, a txi wilela tiphande tawe ni sithombe so vatwa ni so wumbwa.

Valamuli 3:8

Sekoko kuhenya ka Mkoma ku to wukela Israyeli, aniko ene a to va xavisa ngu dianza da Kuzani-Rezatayimi, mfumeli wa Mesopotamiya; se vanana va ka Israyeli va to thumela Kuzani-Rezatayimi, mndani ka mtxhanu wa malembe ni mararu.

Valamuli 8:34

Se vanana va ka Israyeli kha va nga alakanya kambe Mkoma Txizimu txawe, ka otshe madhawa;

1 Samuwele 12:9

Aniko va divate Mkoma, Txizimu txawe; sekoko a va ningete manzani ka Sisera, mthangeli wa dibutho da yimbi ya Hazori, ni manzani ka Vafilista, ni manzani ka mfumeli wa va ka Mowabhi, vale va nga lwa navo.

1 Samuwele 12:10

Se va to dila ka Mkoma va txi kha vona: “Hi onhile, nguko hi lekile Mkoma, se hi ya thumela va ka bhahali ni va astarote; konkuwa koko, hi txhatxhise manzani ka valala vathu, hi na kuthumela.”

Masalmo 106:7

Vatate vathu, mbimo yi va nga ti Egipta, kha va khatala ngu sidiwukiso sako; kha va alakanya lirando lako la hombe aniko va kuwukete, hafuhi ka linene lo Bhilivila.

Jeremiya 23:27

Na va txi alakanya ti taku va na maha vathu vangu ve divala ditina dangu ngu mhaka ya miloro yawe, ayiya mmweyo ni mmweyo a gelako muakelani wakwe, kufana ni kule vakokwani vawe va nga divala ditina dangu ngu mhaka ya Bhahali.

Dhewuteronome 8:11

Zumba u txi ti wonela u si divali Mkoma, Txizumu txako, u txi vekisa sirumo sakwe, ni mithetho yakwe, ni milayo yi nyamsi ni ku ningako;

Dhewuteronome 8:14

mbilu yako yi nga ti kukumukise, se u divala Mkoma, Txizimu txako, awu a nga kuhumisa ditikoni ka Egipta, ka nyumba ya wukhumbi;

Dhewuteronome 8:18

Alakanya Mkoma, Txizimu txako, nguko ngene a ku ningako mtamo wa kumana thomba, na a txi mahela kutsanisa txitumelelano txi a nga xambanya ka vatate vako, nga ti nyamsi u ti wonako.

Valamuli 8:33

Se ku to maheka taku, msana ka kufa ka Gidhiyoni, vanana va ka Israyeli va to tshumela va txi ti nyenyezisa ngu kulondetela va ka Bhahali, ve teka Bhahali-Bheriti va txi mmaha txizimu txawe.

Masalmo 106:35

se aniko va to ti patanisa kumweko navo, ve tekelela mtumbuluko wa mahanyelo awe;

Masalmo 106:36

ve khozela sithombe sawe, asi si nga va khuvekisa.