Valamuli 3:3 - Bhiblia Yo Sawuleka

³ Mtxhanu wa vathangeli va Vafilista, ni votshe Vakanana, ni Vasidhoni, ni Vahevhi, vale va nga ti akile mmangoni ka Libhanoni, kukhukhela mmangoni ka Bhahali-Hermoni kala ka txike txa Hamati.

Valamuli 3:3 Referans Kwoze

Joxuwa 13:3

kukhukhela Xihori ku ku masoni ka Egipta, kala mihinganoni ka Ekroni ka wuphemba, ditiko di va ku kha vona nda Vakanana, mtxhanu wa vathangeli va Vafilista, i ku vava: Mthangeli wa Gaza, wa Asihodhe, wa Asikaloni, wa Gati ni wa Ekroni; ni Vahevhi;

Joxuwa 13:5

kumweko ni ditiko da Vagedhali, ni dotshe ditiko da Libhanoni, kala wutxani, kukhukhela Bhahali-Gadhi, hafuhi ka mmango wa Hermoni kala ha ditimbani ka Hamati.

1 Samuwele 29:2

Se vathangeli va Vafilista va to tsula koneyo, ni mazana ni magumi a mazana; kambe Dhavhidha ni vathu vakwe va to tsula ni Akisi ngu msana.

1 Samuwele 13:5

Se Vafilista va to sengeletana kasi kulwa ni Israyeli. Va ti ti ni 3.000 wa sikotxikani, ni 6.000 wa vagadhi va mahantxhi, ni vathu votala ku nga mtxhefa wa mambambe ka linene; kambe va to kwelela veya gova Mikimaxi, ngu didhawa da wutxani ka Bheti-Avheni.

1 Samuwele 6:18

kumweko kambe ni makonzo a nzalama, madingano ni mtengo wa otshe madhoropa a Vafilista, o lumba mtxhanu wa vathangeli, kukhukhela ka madhoropa a mikhokhola kala ka sidhoropana, ni kala ka Abhele, i ku dirigwi da hombe dile va nga veka ka dona dibhokiso da Mkoma, di ku nga diho thembweni ka Joxuwa, wa Bheti-Semi, kala ka ditshiku da nyamsi.

Valamuli 18:7

Sekoko vavamna vale va mtxhanu va to khukha ve tsula Layisi; se va to wona taku vathu vale va nga ti tiho hagari ka dona va ti ti tsani, madingano ni tolovelo ya Vasidhoni, vo ti malalela ni kuthembana; ku ti si nga ni mfumeli ni wammweyo, waku ngu mhaka yokari, a txi xupha ni wammweyo ka ditiko dile; kambe va ti ti kule ni Vasidhoni, se va ti si nga ni mhaka ni mmwani m'thu.

Valamuli 14:4

Aniko tate wakwe ni mame wakwe, va ti si ti zivi ti to atiya ti txi ta ngu ka Mkoma; nguko a ti ti lava nzila ya kutsayisa Vafilista, ngako ka yona yile mbimo, Vafilista va ti ti fuma txitimwi ka Israyeli.

Valamuli 10:12

ka Vasidhoni, ka Vaamaleki, ka Vamawoni, va nga ti ti mi xanisa mbimo yile mi nga dila kwangu kani?

Valamuli 10:7

Se txiviti txa Mkoma txi to tura txi wukela Vaisrayeli, kambe a to va ningela manzani ka Vafilista, ni manzani ka vanana va ka Amoni.

Valamuli 4:2

Se Mkoma a to va ningela manzani ka Jabhini, mfumeli wa Kanana, a nga ti fumela Hazori; se Sisera i ti ti nduna ya dibutho da kona, awule a nga ti akile Haroseti-wa vamatiko.

Joxuwa 19:28

ni Hebroni, ni Rahobhi, ni Hamoni, ni Kana kala Sidhoni-wa-Hombe. Ngu msana muhingano wu tshumela wu ya Rama kala ka didhoropa da mkhokhola wa Tiro.

Joxuwa 11:3

ni ka Vakanana va manekako wutxani ni mswa-ditambo, ni ka Vaamori, ni Vaheti, ni Vaferezi, ni Vajebhusi va mmangoni, ni ka Vahevhi va hafuhi ka Hermoni, ditikoni ka Misipa.

Dhewuteronome 3:9

(Vasidhoni va ti ti dhana Hermoni ngu ditina daku i Siriyoni; Vaamori vona va ti ti Seriyoni di dhana ku i Seniri),

Dhewuteronome 1:7

Tshumelani mi txi tsula mmangoni ka Vaamori, ni ka votshe avale va nga aka hafuhi kwawe, ni libalani ni mmangoni ni mkovani, ni wulambwe, ni lineneni, ni ditikoni ka Vakanana, ni Libhanoni, kala mnamboni wa hombe, i ku mnambo wa Ewufrate.

Mitengo 34:8

Kukhukhela mmangoni ka Hori, mi na veka muhingano wo wulela Hamati; wu txi gwitela Sedhadhi.

Mitengo 13:29

Vaamaleki va akile ngu didhawa da wulambwe, Vaheti, ni Vajebhusi, ni Vaamori, va akete mmangoni. Vakanana va akile hafuhi ni linene, ni txinambwanani ka Jordhani.”

Genesisi 49:13

Zebhuloni a na aka ha likasani ka linene, i ku txithoni ka sitimela sa mati, se muhingano wakwe wu na gwitela Sidhoni.

Joxuwa 9:7

Se va ka Israyeli va to xamula ka Vahevhi, va txi kha vona: “Kutilava mi akile hagari kwathu; hi nga mahisa kutxani koko txitumelelano ni nanu kani?”

Joxuwa 11:19

Di walo didhoropa di nga maha txitumelelano txa kudikha ni vanana va ka Israyeli, hahanze ka Vahevhi, avale va nga ti akile Gibheyoni; otshe madhoropa va ma tekile ngu mtamo wa yimbi.

Valamuli 3:2

Ku mahela ku tiveleko ta vanana va ka Israyeli, ngu tona ti na gonda kulwa yimbi, ngutu-ngutu tilveleko tile ti nga si yi zivi yimbi.

1 Samuwele 6:4

Sekoko Vafilista va to kha vona: I mhamba muni yo dihela mnandu hi no txi ninga kani? Se vaphaxeli ni tiñanga, va to kha vona: Madingano ni mtengo wa vathangeli va Vafilista, mi na rumela mtxhanu wa sithunye sa nzalama ni mtxhanu wa makonzo a nzalama, nguko anu motshenu ni vathangeli vanu mi wetwe ngu mtungu wumwewo.

1 Samuwele 6:16

Se ngako vathangeli vale va mtxhanu va Vafilista va di ti woni, va to tshumelela Ekroni ka ditshiku donedo.

2 Samuwele 24:7

Se va to ya mkhokholani ka Tiro, ni ka otshe madhoropa a Vahevhi ni a Vakanana, ve huma ngu didhawa da wulambwe ka Judha, veya Bherisebha.

1 Vafumeli 8:65

Ka dona ditshikwedo da dimwedo, Solomoni a to maha m'buso, a di kumweko ni votshe Vaisrayeli, dibutho da hombe, kukhukhela txidingeni ka Hamati, kala ka mnambo wa Egipta, masoni ka Mkoma, Txizimu txathu, ka mtxhanu wa masiku ni mambidi, ni mtxhanu wa masiku ni mambidi, digumi da masiku ni mune.

Ezekhiyele 47:20

Se muhingano wa mswa-ditambo i nava Linene la Hombe, kukhukhela muhinganoni ka wuphemba, kala kuya wulela Hamati; awuwa i nava muhingano wa mswa-ditambo.

1 Vafumeli 9:20

Se ngu ka votshe vale va nga sala va Vaamori, Vaheti, Vaferezi, Vahevhi ni Vajebhusi, i nga ti si nga vanana va ka Israyeli,