Valamuli 3:28 - Bhiblia Yo Sawuleka

²⁸ Se a to va gela tiya: “Ni londeteni, nguko Mkoma a ningete valala vanu Vamowabhi, manzani kwanu”; va to relela va txi mlondeta, se ve tsiva mabelo a kukhukhela Jordhani kuya Mowabhi, va si tumeli ni wammweyo a txi txhatuka ngu kona.

Valamuli 3:28 Referans Kwoze

Valamuli 12:5

Sekoko va ka Gileyadhi va to honyola mabelo a Jordhani ka va ka Efrayime; se ku to maheka tito, mbimo yile vale va nga tutuma ka Efrayime va ti ti kha vona: “Ni kombela kutxhatuka”; sekoko vavamna va ka Gileyadhi, va ti ti mu wotisa ku kha vona: “Awe u wa ka Efrayime kani?” Se ngako a txi khene: “Ahim-him,”

Valamuli 7:15

Se a di gwitile kuengisa kuxawutelwa ka mloro ni txhamuselo ya kona, Gidhiyoni a to khizama e khozela, se e tshumelela wugoveloni ka va ka Israyeli, a txi ya kha ene: “Khukhani! Nguko Mkoma a ningete manzani kwanu yotshe yimbi ya Vamidhiyani.”

Valamuli 7:9

Se ka wona ewo wusiku, Mkoma a to gela Gidhiyoni a txi khene: “Khukha, u txi relela wugoveloni, nguko wugovelo ni na wu ningela manzani kwako.

Joxuwa 2:7

Se vavamna vale, va to londeta tixoli ngu msana, ngu nzila ya Jordhani, kala mabeloni; se ku to sekwa ditimba, msana ka kuva va di humile avale vo londeta.

1 Samuwele 17:47

Ni wotshe msengeletano wuwa wu na tiziva ti to Mkoma wa hanyisa, na i si nga ngu ditxhari mwendo mseve; nguko kulwa nga Mkoma, se ene a na mi ningela manzani kwathu.

Valamuli 7:24

Se Gidhiyoni a to rumela mitumi ka yotshe mimango ya ka Efrayime, a txi kha ene: Relelani mi txi ta dayela Vamidhiyani; mi txi tshinga mabeloni kala Bheti-Bhara ni Jordhani. Va di rambilwe koko votshe vavamna va ka Efrayime, va to tshinga mabeloni kala Bheti-Bhara, ni Jordhani.

Valamuli 7:17

Se a to va gela a txi khene: Ni woneteleni, mi maha ti ni no maha. “Mbimo yi ni no hoka wugoveloni, ati mi no ni wona ani na ni txi maha, mahani nanu tona eto.

Valamuli 4:10

Sekoko Bharake a to ramba va ka Zebhuloni ni va ka Naftali, va txi ya Kedhesi, kumweko ni 10.000 wa vavamna; se Dhebhora a to tsula kumweko nayo.

Valamuli 3:29

Se ka mbimo yoneyo, va to daya 10.000 wa vavamna, votshe i ti ti vo ena ngutu, kambe votshe i ti ti vavamna va tindena; kha ka huluka ni wammweyo.

Valamuli 7:14

Mngana wakwe a to xamula a txi kha ene: “Eto kha ti wombi yimwani mhaka, hahanze ka ditxhari da Gidhiyoni mwana Jowasi, Muisrayeli. Ngu ti to Txizimu txi ningete manzani kwakwe Vamidhiyani ni dotshe dibutho di ku wugoveloni.”

Valamuli 10:11

Ngu konaho, Mkoma a to khene ka vanana va ka Israyeli: “Ina kha na mi hulukisa manzani ka Vaegipta, ka Vaamori, ka Vaamoni, ka Vafilista,

1 Vafumeli 20:21

Se mfumeli wa Israyeli a to huma e dayela mahantxhi ni sikotxikani sa kona; e daya Vasiriya ngu nzila yo thisa.