Valamuli 3:26 - Bhiblia Yo Sawuleka

²⁶ Se Ewudhi a to huluka, vona va txi ngadi ve verela, nguko ene a pindile ngu hagari ka sithombe so vatwa, a txi tutumela kuya Seyira.

Valamuli 3:26 Referans Kwoze

Valamuli 3:25

Se va to rinzela veza ve karala, aniko mfumeli a ti si tuli matimba a nyumba ya txitimwi; sekoko va to teka khiya va txi tula, aha va nga wona mfumeli wawe a di kwapa-kwapa hahatshi, a di fite.

Valamuli 3:27

Se ku to maheka taku mbimo yi ene a nga wulela, a to veta mipundu a di mimangoni ka Efrayime; se vanana va ka Israyeli va to relela kumweko nayo ngu mimangoni, na ene a di masoni kwawe.

2 Samuwele 4:6

Se va to wulela konemo kala hagari ka nyumba, va txi nga vo ya wela fulaho, se ve mthovela ka limbawu la wutxhanu; kambe Rekabhi ni Bhahana, mwanawe, va to huluka.

2 Vafumeli 9:10

Se timbwa ti na dya Jezabheli thembweni ka hafuhi ni Jezireyeli; kha na mbi tshotshwa ngu m'thu. Msana keto, mprofeti wule wa dijaha a to tula ditimba, e huma ngu kututuma.