Valamuli 3:16 - Bhiblia Yo Sawuleka

¹⁶ Se Ewudhi a to tshula ni ditxhari do lotwa madhawa mambidi, da mpimo wa hafu ya metru kulapha ka dona, a txi di khweketa ngu hahatshi ka syambalo sakwe, ka nyonga yakwe ya txinene.

Valamuli 3:16 Referans Kwoze

Mtuletelo 2:12

Ka ngelozi ya dibanza da Pergamo, bhala u txi khawe: “A womba tiya awule a ku ni ditxhari do hinda, da kulotwa khe ni khe.

Mtuletelo 1:16

Ka dianza dakwe da txinene a ti ñote mtxhanu wa tinyeleti ni timbidi, ngu txisofuni kwakwe ku ti huma ditxhari do hinda, da kulotwa khe ni khe. Ni khohe yakwe yi ti khetima nga ditambo da mitshikari.

Vahebheru 4:12

Dipswi da Txizimu da hanya, di ni mtamo. Da hinda kupinda ditxhari do lotwa ka otshe madhawa, dona da milela mndani, kala kuya abanisa mmidi ni moya, kala kuya thola matshanganoni ka marambu ni mndani ka wuluvi, di ya tumbula mialakanyo ni makungo a mbilu.

Ndando ya Tindando 3:8

Votshe va di xomile matxhari, ni mitamo ya yimbi; mmweyo ni mmweyo ni ditxhari dakwe txiwununi, ngu mhaka ya dizowa da wusiku.

Masalmo 149:6

Va na kulungele ngutu va txi dhumisa Txizimu, va di ñote matxhari o lotwa khe ni khe, manzani kwawe,

Masalmo 45:3

Awe ndena, khweketa ditxhari dako txiwununi; dona da kuhanela ni ku kupfalisa!

Valamuli 3:21

Sekoko Ewudhi a to nawuluta dianza dakwe da txibhabha, e teka ditxhari di nga ti ti ka nyonga yakwe ya txinene, a txi mthola ngu dona hamrumbu,

Valamuli 3:15

Sekoko vanana va ka Israyeli va to peka huwa ka Mkoma, se Mkoma a to va wusela mtxhatxhisi, i ku Ewudhi, mwana Gera, wa ka Bhenjamini, wamwamna wa libhabha. Se vanana va ka Israyeli va to rumela txiningo ngu dianza da Ewudhi ka Egloni, mfumeli wa Vamowabhi.

Valamuli 3:17

Se a to heleketa txiningo txile ka Egloni, mfumeli wa Vamowabhi; kambe Egloni i ti ti wamwamna wo ena ngutu.

2 Samuwele 20:8

Se va di hokile ka dirigwi da hombe di ku hafuhi ni Gibheyoni, Amasa a to humelela masoni kwawe; kambe Jowabhi a ti ambate syambalo sa yimbi, txitimwi ka sona a ti ti sungile libhande ni ditxhari ha txiwununi amu ka msava wakwe; se Jowabhi a txi hoka hafuhi, ditxhari di to wa hahatshi.