Valamuli 3:15 - Bhiblia Yo Sawuleka

¹⁵ Sekoko vanana va ka Israyeli va to peka huwa ka Mkoma, se Mkoma a to va wusela mtxhatxhisi, i ku Ewudhi, mwana Gera, wa ka Bhenjamini, wamwamna wa libhabha. Se vanana va ka Israyeli va to rumela txiningo ngu dianza da Ewudhi ka Egloni, mfumeli wa Vamowabhi.

Valamuli 3:15 Referans Kwoze

Valamuli 3:9

Se vanana va ka Israyeli va to peka huwa ka Mkoma, se Mkoma a to wusa mtxhatxhisi ka vanana va ka Israyeli, ene a to va txhatxhisa: I ku Otoniyeli, mwana Kenazi, mnanda wa Kalebhi.

Masalmo 78:34

Ngu kuwona vava Txizimu txi nga va tsayisa ngu lifo, vamwani va ti txi lava txona Txizimu; va ti tshumelela ka txona, va txi txi lava va si karali.

Isaya 36:16

Mi nga mu engiseni Ezekhiya, nguko mfumeli wa Asiriya a khene: Humani mi ta ti ningela kwangu; se mmweyo ni mmweyo a nadye mihando ya muuvha wakwe, ni mihando ya mkuwu wakwe, kambe mmwani ni mmwani a na sele mati a txisimani kwakwe,

1 Makronika 12:2

Va ti xomile ngu wulaho, va ti thumisa dianza da txinene ni da txibhabha kurinza ngu ona marigwi, ni kukhwinza ligove ngu wulaho; avava i ti vanawe va Sawule, va ka Bhenjamini.

Valamuli 20:16

Hagari ka votshe vathu vava, ku ti ti ni 700 wa vavamna va nga sawulwa, vo thumisa txibhabha, avale votshe va nga txi khwinza dirigwi ngu txibhalakaza, va si hosi ni msisi ni wumwewo.

Jeremiya 33:3

Kwangula kwangu ni na kuxamula, ni na kukomba silo sa hombe, u si si ziviko.

Mavingu 21:14

Txiningo txa txihunjani, txa hungula kuhenya, ni hakhelo ya ha kusisalani, ya boxisa kuhenya ka hombe.

Mavingu 19:6

Vo tala va dilela khohe ya dixonga da mfumeli, na kuve mmweyo ni mmweyo mngana wa wule a mningako txokari.

Mavingu 18:16

Txiningo txa m'thu txa mtulela nzila, ni ku mtshuketisa hafuhi ka vahombe.

Masalmo 90:15

Hihe masiku a kutsaka madingano ni masiku awa u nga hi wonisa sixaniso ni malembe awa u nga hi wonisa makhombo.

Masalmo 50:15

Ni dhane, mbimo yi u ku ha kuxuphekani; ani ni na kuhulukisa, se awe u na ni dhumisa.”

1 Samuwele 10:27

Kambe vanana va ka Bheliyali va to kha vona: Ina ngene wu a no hi txhatxhisa kani? Se va to mueyisa va si mtiseli siningo. Kambe ene a so ti maha diphazeve.

Valamuli 3:14

Se vanana va ka Israyeli va to thumela Egloni, mfumeli wa Vamowabhi, digumi da malembe ni mtxhanu ni mararu.

Valamuli 3:16

Se Ewudhi a to tshula ni ditxhari do lotwa madhawa mambidi, da mpimo wa hafu ya metru kulapha ka dona, a txi di khweketa ngu hahatshi ka syambalo sakwe, ka nyonga yakwe ya txinene.

Valamuli 2:16

Se Mkoma a to va wusela valamuli, ava va nga va hulukisa manzani ka vale va nga ti ti va handa.

Valamuli 4:3

Sekoko vanana va ka Israyeli va to peka huwa ka Mkoma, nguko Jabhini a ti ti ni 900 wa sikotxikani sa tisimbi, kambe a xuphile vanana va ka Israyeli mndani ka magumi mambidi a malembe.

2 Samuwele 20:9

Se Jowabhi a to khene ka Amasa: Ina wa wuka kwati mwanathu kani? Se Jowabhi a to ñola txiletu txa Amasa ngu dianza da txinene kasiku e mpswopswa.

2 Samuwele 20:10

Se Amasa kha wonisisa ditxhari di di nga ti ti manzani ka Jowabhi, aho kuza Jowabhi e thola Amasa ka limbavhu la wutxhanu, se masembe me kubuka hahatshi; kambe kha mthola ka wumbidi, se Amasa a to fa; sekoko Jowabhi ni mwanawe Abhixayi va to londeta Sebha, mwana Bhikiri.

1 Makronika 8:3

se Bhela a to veleka vanana vava: Adhari, ni Gera, ni Abhiyudhe,

1 Makronika 8:5

ni Gera, ni Sefufani, ni Huramu.

2 Makronika 9:24

Se mmweyo ni mmweyo a txi ta mninga siya sa silivhela ni siya sa nzalama, syambalo, ni matxhari, ni makha, ni mahantxhi, ni mamula; tximwetxo ni tximwetxo ngu dilembe ni dilembe.